Derbi pa emocione në Premier League dhe hap fals i Bayern Munchen në Bundesligë. Mbyllet pa gola derbi i Manchesterit. United priti City e Pep Guardiolës në “Old Trafford”, sfidë që prodhoi duele të forta, por asnjë prej skuadrave nuk ia doli të dërgonte topin në rrjetë.
FULL-TIME Man Utd 0-0 Man City
The spoils are shared at Old Trafford in the Manchester Derby ???#MUNMCI pic.twitter.com/cccs2KZExW
— Premier League (@premierleague) December 12, 2020
Momenti kulmor i sfidës ishte minuta e 48-të, vendasit fituan një penallti, por arbitri ndryshoi mendje pasi pa pamjet në VAR, duke ndërprerë në mes festën e ekipit të Solskjaer. Ky barazim i ngjit “Djajtë e Kuq” në vend të shtatë me 19 pikë, teksa City renditet dy pozicione më poshtë me një pikë më pak.
Kampionët e Gjermanisë nuk shkuan më shumë se barazim 1-1 në sfidën jashtë fushe ndaj Union Berlin. Takimi i luajtur në kryeqytet u zhbllokua shumë shpejt. Grischa Promel gjeti golin në minutën e katërt, duke kaluar Union në avantazh.
Union e ruajti avantazhin deri në mesin e pjesës së dytë. Robert Lewandowski dërgoi topin në rrjetë në minutën e 68-të, duke evituar humbjen e bavarezëve. Goli i 13-të në kampionat për polakun, teksa Bayerni ndan vendin e parë me Leipzig pas javës së 11-të (nga 24 pikë). /abcnews.al
