bundesliga
Klejdi Kaimi21:16 | 01/04/2020
Portieri i Bayern München, Manuel Neuer, dëshiron që të vazhdojë karrierën e tij tek gjigantët gjermanë. Media të ndryshme raportonin se si do të largohej nga Mynihu këtë verë, por mesa duket situata është krejt ndryshe.
Klubi më i interesuar për shërbimet e portierit gjerman ishte Chelsea. Sipas “Sky”, londinezët po kërkojnë një portier të ri pasi nuk janë të kënaqur me spanjollin Kepa.
Kontrata aktuale e Neuer me bavarezët përfundon në verën e vitit 2021. Agjenti i lojtarit do të takohet me drejtuesit e klubit gjerman për të mbyllur kontratën e re. Takimi është shtyrë për shkak të situatës së krijuar nga Coronavirusi dhe më shumë pritet të mësohet në ditët në vijim. /abcnews.al
Igli Nikolli18:45 | 01/04/2020
E ardhmja e Manuel Neuer me Bayern Munchen është në dyshim. Palët nuk po arrijnë një akord për rinovimin e kontratës që përfundon verën e vitit të ardhshëm. Klubi ofron edhe dy vite të tjera, ndërsa portieri kërkon një kontratë deri në vitin 2025.
Gjithsesi, për të qetësuar tifozët bavarezë ka menduar Oliver Kahn, ish-kapiteni i skuadrës, aktualisht anëtar i Bordit Drejtues të Bayernit dhe presidenti i klubit duke filluar nga viti 2022, i cili e shpjegon në këtë mënyrë situatën në një deklaratë për Sport Bild.
“Neuer është pa dyshim një ikonë e Bayern Munchen, e suksesit tonë dhe vazhdimësisë tonë. Në përgjithësi, portierët, siç e kam treguar edhe unë, mund të vazhdojnë të luajnë edhe kur janë pak të vjetër në moshë.
Është një sfidë të vazhdosh të mbetesh në nivele të larta. Do të kemi një talent të madh me ardhjen ne Nubel. Ai do të ketë shansin të zhvillohet dhe të mësojë nga Neuer. Jo shumë persona e kanë fatin të punojnë çdo ditë me më të mirin në botë”, deklaron Oliver Kahn. /abcnews.al
Igli Nikolli23:43 | 31/03/2020
Shumë hipoteza po hidhen rreth mënyrës se si mund të arrihet një zgjidhje për mbylljen e sezoneve të futbollit. Në Itali shpresojnë të rinisë Serie A në muajin maj. Nëse situata qetësohet dhe futbolli vazhdon, kampionatet e ndryshme pritet të përfundojnë në muajt e verës.
Opsionin e pezullimit përfundimtar dhe zerimit të këtij sezoni, nuk e dëshiron askush. Në Gjermani kanë durim, vështirë ta humbasin qetësinë dhe Karl-Heinz Rummenigge ka një ide ndryshe. CEO i Bayern Munchen rrëfen për Frankfurter Allgemeine Zeitung mendimin e tij në lidhje me situatën e jashtëzakonshme.
“Nëse nuk do të ishte e mundur të bëhej ndryshe, do të ishte diçka e mençur që ta zgjatnim sezonin 2019-2020, në rastin më të keq, deri në shtator. Kjo do të ndikonte që sezoni i ri të fillonte në dimër, pasi lojtarët do të qëndronin disa kohë pushim”, deklaron Rummenigge. /abcnews.al
Igli Nikolli18:28 | 31/03/2020
Ngec rinovimi mes Bayern Munchen dhe Manuel Neuer. Kapiteni ka një kontratë me kampionët e Gjermanisë deri në verën e vitit të ardhshme. Drejtuesit i kanë ofruar një zgjatje kontrate me dy vite të tjera, pra deri në verën e vitit 2023, opsion që është refuzuar nga kapiteni.
Portieri i njohur dëshiron një kontratë deri në vitin 2025, pra deri në moshën 39-vjeçare. Nëse nuk vjen ky propozim, nuk ka marrëveshje. Daily Mail raporton se Chelsea është gati të përfitojë nga kjo situatë dhe po insiston për të bindur lojtarin gjerman.
Klubi londinez e dëshiron 34-vjeçarin për të zëvendësuar spanjollin Kepa. Chelsea po negocion këto ditë me agjentin e Neuer, që do të ishte një përforcim fantastik për trajnerin Lampard. Mungesa e rinovimit do të detyrojë bavarezët ta shesin për të nisur më pas sulmin për Ter Stegen të Barcelonës. /abcnews.al
Igli Nikolli17:27 | 31/03/2020
Thomas Muller është një simbol i Bayern Munchen. Sulmuesi është pjesë e klubit të zemrës prej 20 vitesh, teksa kontrata i përfundon në verën e vitit 2021. Shumë është përfoluar për një largim të tij në fund të sezonit.
Diçka që nuk do të ndodhë, pasi Bayern nuk e ka të lehtë të ndahet nga 30-vjeçari. Kicker raporton se drejtuesit e klubit kanë vendosur t’i dhurojnë një rinovim deri në vitin 2023, periudhë kur lojtari do të jetë 33 vjeç.
Muller po kalonte një formë të mirë përpara pezullimit të Bundesligës, fazën e dytë e kishte nisur shumë mirë dhe këtë sezon ka shënuar 10 gola. /abcnews.al
Veronik Istrefaj22:45 | 30/03/2020
Borussia Dortmund nuk ka në plan të dorëzohet dhe të lërë të lirë Jadon Sanchon, ose më saktë, jo për më pak se 110 milion euro. Ky është çmimi që verdhezinjtë i kanë vendosur talentit anglez dhe nuk duan t’ia dinë aspak nga kriza ekonomike që po shkakton dhe pritet të shkaktojë Koronavirus në të ardhmen.
Mesazhi i Borussia Dortmund për të gjitha klubet e interesuara, është i thjeshtë: “Mos shpresoni nga Koronavirus, çmimi mbetet 110 milion euro”. Ekipi i vetëm që nuk është lëkundur nga çmimi i kërkuar, mendohet të jetë Manchester United, me “Djajtë e Kuq” që e duan me doemos anësorin e djathtë në ‘Old Trafford’ sezonin e ardhshëm./abcnews.al
BVB message to all the clubs who asked for #Sancho: we don’t change the price after Coronavirus crisis and we’ll not sell him for less than €110M.
Man United are in contact with his agent, but BVB have not received any official bid yet. It won’t be a quick deal. 🔴 #MUFC
— Fabrizio Romano (@FabrizioRomano) March 30, 2020
Veronik Istrefaj20:39 | 30/03/2020
Bundesliga gjermane është ndërprerë si çdo kampionat tjetër europian, për shkak të përhapjes masive të Koronavirusit. Faqja zyrtare e kampionatit gjerman, ka menduar të ndërtojë formacionin më të mirë deri më tani këtë sezon.
Në portë, është gardiani i Borussia M’Gladbach, Sommer, ndërsa mbrojtja është me tre. Gunter i Freiburg, Kimmich i Bayern Munchen dhe Hakimi i Borussia Dortmund. Në mesfushë, janë rreshtuar plot 5 mesfushorë.
Kostic i Frankfurt në krahun e majtë, ndërsa në linjën tjetër, është Sancho i Borussia Dortmund. Leipzig ka dy lojtarë në mesfushë, Sabitzer dhe Nkunku, ndërsa Gnabry i Bayern zë vendin e tij. Në sulm, nuk ka surpriza, me Lewandowskin dhe Timo Wernerin që janë para të gjithëve. Një formacion i frikshëm./abcnews.al
Big numbers across the board 📊
Here’s who makes our #BLFantasy team of the season so far ⭐ pic.twitter.com/GPxqKqCtJs
— Bundesliga English (@Bundesliga_EN) March 17, 2020
Veronik Istrefaj21:18 | 29/03/2020
Lojtarët e Borussia Dortmund do të rifillojnë stërvitjen nesër. Për të shmangur ndonjë rrezik në lidhje me përhapjen e Koronavirus, djemtë e Lucien Favre do të takohen në grupe të vogla me dy persona për të punuar në fushë.
“Është një fillim”, tha ish-lojtari i Juventusit, Emre Can për Sport1. “Në dy javët e fundit ne kemi punuar me çiklizëm në shtëpi, stërvitje force dhe gjimnastikë.
Për tu stërvitur qenë në grupe të vogla, do të na bëjë mirë në ditët në vijim. Nëse qëndrojmë të fortë së bashku, do ta kalojmë këtë periudhë të vështirë dhe gjërat do të përmirësohen”, shtoi mesfushori gjerman./abcnews.al
Igli Nikolli15:36 | 26/03/2020
Futbolli është një ndër shumë gjërat që do të ndryshojë koronavirusi. Presidenti i nderit të Bayern Munchen, Uli Hoeness është i bindur për këtë. Ai ka dhënë një rrëfim për gjermanen Kicker, aty ku flet rreth ndryshimeve të mëdha që do të pësojë futbolli, sidomos në 2-3 vitet e ardhshme.
“Politika gjermane ka bërë një punë shumë të mirë. Tani duhet të jetohet solidariteti, nuk vlejnë më fjalët. Të gjithë duhet t’i përmbahemi rregullave të miratuara, ka të bëjë me jetë njerëzore. Rinisja e futbollit? Edhe po të luhet pa tifozë, paratë e fituara nga të drejtat televizive janë të garantuara. Nëse nuk do të ketë futboll deri për Krishtlindje, atëherë liga jonë e futbollit do të jetë e kërcënuar.
Ata që bëjnë parashikime se kur do të rinisin ndeshjet janë sharlatanë. Kjo situatë ka prekur çdo vend, edhe klubet e futbollit do të preken. Nuk arrij të imagjinoj transferime lojtarësh për 100 milion euro në të ardhmen e afërt. Sasia e transferimeve do të ulet, të paktën për 2-3 vitet e ardhshme. Me shumë mundësi do të jetë një botë e re e futbollit”, deklaron Uli Hoeness. /abcnews.al
Vladimir Prenga09:38 | 26/03/2020
Bayern Munchen ka nisur nga puna për rinovimin e kontratave dhe në mediat gjermane dy janë emrat e futbollistëve me të cilët bavarezët duan të zgjasin bashkëpunimin. Njëri prej tyre është portieri Manuel Neuer, i cili nesër mbush 34 vjeç.
Bisedimet kanë nisur, por nuk ka një dakordësi. Problemi qëndron te kohëzgjatja e kontratës, sikurse raporton Bild. Neuer kërkon një kontratë afatgjatë, pavarësisht moshës së tij. Palët nuk po e gjejnë gjuhën e përbashkët për këtë pikë të kontratës dhe rinovimi me portierin mund të dështojë.
Neuer është pjesë e Bayern që prej verës së vitit 2011, kur kampionët e Gjermanisë paguan 22 milion euro te Schalke 04. Edhe pasuesin e tij e kanë gjetur sërish tek i njëjti klub, pasi me hapjen e merkatos, bavarezëve do i bashkohet Alexander Nubel. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
