Loading ...
Tottenham fitoi 2-0 ndaj Manchester City dhe është ngjitur në krye të Premier League me 20 pikë, dy më shumë se Leicester City i vendit të dytë (luan nesër në Anfield kundër kampionëve të Liverpool). Son-Heung Min dhe Lo Celso shënuan golat e fitores për ekipin e Jose Mourinhos, i cili ia doli të triumfonte kundër Pep Guardiolës. Sfida u zhbllokua shumë shpejt.
Spurs go ? of the league#TOTMCI pic.twitter.com/MBQTkLbtBu
— Premier League (@premierleague) November 21, 2020
Ndombele nisi Son-Heung Min në minutën e pestë dhe ky i fundit, pasi stopoi bukur topin, goditi menjëherë, duke dërguar atë mes këmbëve të brazilianit Ederson. “Cityzens” reaguan dhe rikthyen baraspeshën në minutën e 27-të me anë të Laporte, por VAR-i anuloi golin për prekje të topit me dorë nga ana e Gabriel Jesus.
Minuta e 65-të solli edhe mbylljen e llogarive për këtë takim. Kundërsulm i shpejtë i Spurs, asist i kapitenit Harry Kane dhe finalizim i Giovani Lo Celso. Mesfushori argjentinas kishte vetëm 35 sekonda që ishte futur në fushë nga Mourinho.
⏱ 64:14 – Giovani Lo Celso comes on
⏱ 64:49 – Giovani Lo Celso scores?#TOTMCI pic.twitter.com/Z9ww4bDKrI
— Premier League (@premierleague) November 21, 2020
Përballja e fortë e Premier League, nuk dhuroi më gola. Tottenham festoi në fund dhe është ngjitur në krye të kampionatit anglez. City vazhdon të hasë probleme dhe tani ndodhet 8 pikë larg vendit të parë. /abcnews.al
