Infektohet me Covid-19 drejtori i Agjecisë së Shërbimeve Publike dhe 6 punonjës në Elbasan.
Siç raporton gazetari i “ABC” Aldo Kozarja, pas infektimit janë reduktuar shërbimet e këtij institucioni në qytet.
Agjencia ka një numër prej 300 punonjësish të cilët merren me dekorin e qytetit ndërkohë që pas kësaj infektimit të këtyre punonjësve situata paraqitet e qetë.
Të infektuarit janë kryesisht shoferë të institucionit, por nuk mungojnë edhe punonjës të Agjencisë.
Ndërkohë qyteti i Elbasanit ka edhe një numër të lartë mësuesish të infektuar nga Covid-19.
Mbrëmjen e djeshme janë konfirmuar 4 mësues me Covid, ndërsa mësohet se janë edhe 9 nxënës të infektuar, kryesisht në shkollat 9-vjeçare por edhe në shkollat e mesme.
Ndërsa në qytetin e Peqinit, ka një numër të madh mësuesish të prekur nga koronavirusi.
Burime për ABC raportojnë se numri i mësuesve të infektuar në Peqin është mbi 90 raste.
Ministria e Arsimit por edhe institucionet rajonale nuk kanë dhënë një përditësim të saktë sa i përket shifrave të mësuesve të infektuar.
n.d./abcnews.al
