Barcelona ka nevojë të madhe për një mbrojtës dhe kjo vërehet që nga aktivizimi i Frenkie De Jong në qendër të difensivës. Dëshira e katalanasve është rikthimi i Eric Garcias në shtëpi, por Manchester City po ia bën mjaft të vështirë spanjollëve për ta arritur këtë mision para verës së vitit të ardhshme.
⚠️?? El Barça ofrecerá 8M al City para fichar a Eric Garcia en enero. La Gestora ya ha dado el OK para realizar la oferta. Koeman no quiere esperar a verano #fcblive pic.twitter.com/CDvpRoyx0I
— Albert Rogé (@albert_roge) November 1, 2020
Në verën e shkuar katalanasit ofruan 15 milionë euro bashkë me bonuset, por anglezët rezistuan, duke i dalë kundër edhe dëshirës së lojtarit. 19-vjeçari vazhdon të kërkojë largimin nga Barça dhe mbetet të shihet nëse do të japë rezultat në janar. Nga Spanja zbulojnë se në merkaton e dimrit Barcelona do të drejtohet me një tjetër ofertë zyrtare për yllin iberik.
“Sport” raporton se Barça, në krizë të thellë financiare dhe në rrezik falimenti, do i ofrojë klubit të Guardiolës 8 milionë euro për Garcian. Një ofertë e mirë për anglezët, duke marrë parasysh se kontrata e Garcias me Cityn përfundon në verë. E vetmja rrugë për të mos dalë duarbosh nga talenti është pranimi i kësaj oferte. /abcnews.al
