Biznesmeni Andon Dhima ka reaguar sëfundmi pas arrestimit të katër personave që dyshohet se i përgatiten atij një atentat në hyrje në pallatit pak ditë më parë.
Dhima përshëndet policinë për operacionin e kryer duke kërkuar që organet e drejtësisë të mos shantazhohen nga asnjë presioni për zbardhjen e plotë të ngjarjes.
Lexo edhe: FOTO/ Tentuan vrasjen e biznesmenit, këta janë dy prej të arrestuarve nga policia
Biznesmeni shkruan se i qendron deklarimeve të mëparshme në lidhje me ngjarjen duke kërkuar nga policia dhe prokuroria vijimin e hetimeve.
Policia arrestoi katër persona në lidhje me atentatin e dështuar ndaj Andon Dhimës.
Të arrestuarit janë:
Grid Leno, 45 vjeç, lindur në Tiranë, i dënuar më par me 6 vite burgim per vjedhje me armë në shtetin Gjerman.
Albin Hoxha, 35 vjeç, lindur në Laç dhe banues në Tiranë, i dënuar më par për plagosje me armë.
Të dy ata dyshohet se shkuan tek pallati i Dhimës për ta qëlluar, ndërsa dy persona të tjerë janë arrestuar si bashkëpunëtorë.
Policia bëri me dije se ata janë:
Maringlen Matohiti, 30 vjeç, lindur në Elbasan dhe banues në Tiranë.
Enea Hoxha 26 vjeç, lindur në Laç dhe banues në Tiranë, i dënuar më par me 4 vite e 9 muaj per “Prodhim dhe shitje te lendeve narkotike”.
/abcnews.al
