atentat

image-6.jpg
R D20:33 | 22/02/2020

Një shqiptar mbeti i plagosur rëndë sot në Athinë. Mediat greke thotë se 37-vjeçarit iu bë atentat në rrugën “Kerasuntos” në Egaleo të Athinës.

Shqiptari ka marrë plumb në kokë dhe ndodhet ne gjendje të rëndë në spitalin e Nikeas.

Ai u qëllua nga një fuoristradë e zezë në lëvizje. Autorët ende nuk janë kapur, ndërsa hetuesit kanë thënë për mediat greke se motiv mund të jetë larja e hesapeve mes bandave. /abcnews.al

ggg-2.jpg
in a07:35 | 19/01/2020

Policia e Vlorës ka shoqëruar në komisariat 10 persona të cilët janë marrë në pyetje në cilësinë e dëshmitarëve apo mund të ndihmojnë hetimin për atenatin, ku mbetën të plagosur Nikollaq Çepaj bashkë me kunatin e tij, Roland Çepaj.

Pas kqyrjes së vendit te ngjarjes, ekspertiza ka gjetur mbi 15 gezhoja kallashnikovi. Policia dyshon se në atentat kanë marrë pjesë dy persona, ndërsa ka arritur të ndërtojnë identikitin e personit që drejtonte automjetin nga i cili qëllua në drejtim të Çepajve.

Burime për “ABC News” bëjnë me dije se nuk përjashtohet mundësia që makina dhe targat të jenë të grabitura.

Dyshimet kryesore të  atentatit lidhen me të shkuarën e 36-vjeçarit Nikollaq Çepaj, që sapo ishte liruar nga burgu, por edhe me përfshirjen e tij në një plagosje dy vite më parë. Ai ishte arrestuar ne qershor 2018 per nje ngjarje te ndodhur me 16 maj ne lagjen “Pavaresia” të Vlorës. Bëhet fjalë për atentatin brenda ambjenteve të një lokali, ku mbeti i plagosur më armë zjarri 34-vjecari Eraldo Lazaj. Pritet përmirësimi i gjendjes shëndetësore të të plagosurve, dëshmitë e të cilëve mund të ndihmojnë identifikimin e autorit/ve.

36-vjeçari Nikollaq Çepaj ndodhet në gjendje të rëndë shëndetësore në Spitalin e Truamës si pasojë e një plumbi në kokë. Ai ka marrë  5 plumba, në kokë, ne legen dhe shpinë. Ndërsa Roland Çepaj, 27 vjeç, ka marrë dy plumba në të dyja këmbët, por gjendja e tij shëndetësore është jashtë rrezikut për jetën.

/abcnews.al

aeb2783b-e67c-4011-8846-07b0c8b1420d.jpg
R D21:13 | 18/01/2020

Dy orë pas atentatit në Vlorë gjendet i djegur një automjet në aksin e vjetër Vlorë-Fier. Burimet e policisë thanë për Abc News se makina dyshohet se u përdor nga autorët e atentatit, ku mbeten të plagosur dy persona. Brenda makinës është edhe arma e krimit.

Gazetari i Abc News, Elton Nika raporton se automjeti Mercedes Benz me targa AA 918 OU u gjet i djegur totalisht në afersi të fshatit Cerkovinë. Forca të shumta policie dhe ekspertë kriminalistë kanë shkuar në vendin e ngjarjes.

Nikollaq Çepaj (Taullaraj) 36 vjeç dhe Roland Cepaj, 28 vjeç mbeten të plagosur në një lokal në lagjen “Kushtrimi” të Vlorës pasditen e sotme. Dyshohet se shënjestra ishte Nikollaq Çepaj një person me precedentë kriminalë që kishte dalë nga qelia para 4 ditësh.

Nikollaq Çepaj është në gjendje të rëndë, ndërsa Roland Çepaj është në gjendje të stabilizuar, thanë burimet nga spitali.

Nikollaqi, apo Niko siç e thërrisnin kishte ndryshuar mbiemrin nga Taullaraj në Çepaj (mbiemri i gruas). Roland Çepaj i cili mbeti i plagosur aksidentalisht është kunati i tij.

Pamje dhe detaje nga Vlora/ Dy të plagosur në lokal, njëri sapo kishte dalë nga burgu /abcnews.al

*Pamjet e makinës së djegur

ad8a28d5-e0cc-4f23-a36b-9fff9ffeebcc.jpg
R D20:06 | 18/01/2020

Katër ditë pasi la qelinë, Nikollaq Çepaj (Taullaraj) mbeti i plagosur në një atentat me kallashnikov në Vlorë. Ngjarja ndodhi pasditen e sotme, në lagjen “Kushtrimi”, ku  mbeti i plagosur dhe kunati i tij Roland Cepaj, 28 vjeç. Ata po pinin kafe së bashku në një lokal të qytetit. Dëshmitarët thanë se plumbat e automatikut janë shkrehur me breshëri nga një Mercedes Benz i zi.

Burimet nga spitali thanë për Abc News se Nikollaq Cepaj është në gjendje të rëndë, pasi një plumb e ka kapur në kokë dhe disa plumba në trup. Ai aktualisht po i nënshtrohet ndërhyrjes kirurgjikale. Ndërsa Roland Çepaj është në gjendje të stabilizuar dhe raportohet se është plagosur në këmbë. Nikollaqi, apo Niko siç e thërrisnin kishte ndryshuar mbiemrin nga Taullaraj në Çepaj (mbiemri i gruas). Roland Çepaj i cili mbeti i plagosur aksidentalisht është kunati i tij.

Nikollaq Çepaj, 36 vjeç është një person me precedentë të rëndë kriminal. Në Maj 2018 ai plagosi me armë zjarri Eraldo Lazajn, 34 vjeç. Asokohe Çepaj u arrestua nga policia dhe u dënua për plagosje të rëndë me dashje. Nuk dihet ende si organet e drejtësisë (prokuroria, gjykata) e nxorën nga burgu Nikollaq Çepajn brenda1 viti e gjysmë. Policia nuk ka të dhëna për autorët e mundshëm, por dyshimet janë se atenati është për hakmarrje.

Ngjarja e 16 Majit 2018

Policia e Vlorës ka vënë në pranga autorin e plagosjes me armë zjarri në lagjen ”Pavarësia”. Në pranga ka përfunduar Nikollaq Çepaj (Taullaraj), banues në Vlorë.

Në momentin e ndalimit nga policia i sekuestrohet arma me të cilën dyshohet se ka kryer plagosjen si dhe një mjet tip BMË X5.

Ngjarja për të cilën akuzohet Çepaj ka ndodhur më datë 16.05.2018, në lagjen “Pavarësia”, brenda ambjenteve të një lokali ka plagosur më armë zjarri shtetasin Eraldo Lazaj, 34 vjeç.

Në cilësinë e provave materiale është sekuestruar arma e zjarrit tip pistoletë me të cilën dyshohet se shtetasi ka kryer plagosjen dhe 1 automjet tip BMË X5 me targa AA838DS.

Materialet hetimore do t’i referohen Prokurorisë së Rrethit Gjyqësor Vlorë, për veprat penale “Plagosje e rëndë me dashje, kryer në bashkëpunim” dhe “Prodhimi dhe mbajtja pa leje e armëve luftarake dhe e municionit”, parashikuar nga nenet 88 e 25 dhe 278/1 të Kodit Penal.  Detaje dhe pamje nga atentati i Vlores /abcnews.al

Në foto: Nikollaq Çepaj
Në video: Dëshmia e xhaxhait të Roland Cepajt, i cili mendohet se u plagos aksidentalisht

 

4c50768a-570d-43c0-bd97-d232fb116385.jpg
R D19:35 | 18/01/2020

Dy persona mbeten të plagosur pasditen e sotme në Vlorë dhe mësohet se janë në gjendje të rëndë. Ata janë kunetër me njëri tjetrin, përkatësisht Nikollaq Çepaj 36 vjeç dhe Roland Çepaj, 28-vjeç. Dy të rinjtë kanë qenë duke konsumuar një kafe sëbashku kur janë qëlluar me breshëri plumbash në lokal. Policia tha se ngjarja ka ndodhur rreth orës 18:22, në lagjen “Bashkimi”, pas një konflikti të çastit. Ndërsa xhaxhai i njërit prej të plagosurve, konkretisht 28 vjeçarit Rolandit Cepaj tha se ka qenë dëshmitar në vendin e ngjarjes. Sipas tij është qëlluar në distancë nga një makinë me breshëri automatiku dhe mendon se nipi i tij është plagosur aksidentalisht.

“Ishim atje duke pirë kafe, dëgjova brrrr (breshëria), mendova se ishin fishekzjarrë, më pas dëgjova ulërima. Ishte breshëri. Qëlloi nga brenda makinës pa ndaluar. Sa e ndaloi një çikë, e pashë atje, ia dha më pas me breshëri. Rolandin e kam djalë vëllai, është 28 vjeç. Nikua (personi tjetër) tre ditë kishte që kishte dalë nga burgu”, – tha xhaxhai i Rolandit.

Gazetari i Abcnews.al, Elton Nika dha se dyshohet se shënjestra e këtij atenati ka qenë Nikollaq (Niko) Çepaj, i cili 4 ditë më parë kishte dalë nga burgu. Nikollaqi, apo Niko siç e thërrisnin kishte ndryshuar mbiemrin nga Taullaraj në Çepaj (mbiemri i gruas). Roland Çepaj i cili mbeti i plagosur aksidentalisht është kunati i tij.

Vlorë/Informacion paraprak i policisë

Rreth orës 18:22, në lagjen “Bashkimi” Vlorë, në një lokal dyshohet se pas një konflikti të çastit kanë mbetur të plagosur me armë zjarri shtetasit N.Ç. 36 vjeç dhe R.Ç., 27 vjeç me banim në Vlorë, të cilët janë dërguar në Spitalin Rajonal të Vlorës për ndihmë mjekësore.
Autorët dyshohet se mund të jenë larguar me një automjet ku në ndjekje të tyre janë vënë disa grupe policore.
Njëkohësisht janë ngritur disa pika kontrolli në rrugët dalëse të qytetit dhe po kontrollohet e gjithë zona me qëllim kapjen dhe arrestimin e autorëve.

Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes. /abcnews.al

*Pamje nga vendi i ngjarjes dhe dëshmia e xhaxhait të Roland Çepajt

d83f2a82-618c-405f-9b23-f9b4314d368b.jpg
R D19:01 | 18/01/2020

Një ngjarje e rëndë kriminale është shënuar mbrëmjen e sotme në lagjen Kushtrimi në Vlorë. Gazetari i Abc News Elton Nika raporton se ka patur të shtëna me armë brenda ambienteve të një lokali. Për pasojë dy persona kanë mbetur të plagosur.

Të plagosur në gjendje të rëndë kanë mbetur, Nikollaq (Niko) Çepaj 36 vjeç dhe Roland Çepaj, 28-vjeç. Burimet thanë se Niko Cepaj kishte lënë qelinë e burgut pak ditë më parë.

Aktualisht forca të shumta policie kanë shkuar në vendin e ngjarjes, ndërsa ambulanca trasportoi të plagosurit në spitalin rajonal të Vlorës. /abcnews.al

polizia-stradale-crotone.jpg
So Nila15:46 | 18/01/2020

Një shqiptar ka rënë në prangat e policisë italine pas 19 vitesh i shpallur në kërki për vrasjen e një italiani.

Mediat italiane bëjnë me dije se ndalimi i shqiptarit Dritan Ternova është bërë në komunën Cotronei në rajonin e Kalabrisë, i cili para 19 vitesh  së bashku me një shqiptar tjetër kanë ekzekutuar italianin Massimo Schiaca i datëlindjes 1971.

Vrasja ka ndodhur në Romë më 5 dhjetor 2001 ku italiani është ekzekutuar me një armë zjarri nga dy shqiptarët në bordin e një automjeti në lëvizje. Sipas mediave të vendit fqinj një nga shqiptarët ishte arrestuar pak ditë pas vrasjes më 19 dhjetor të 2001. Ndërsa Dritan Ternova u shpall në kërkim. Dritan Ternova sot 39 vjeç është dënuar nga Gjykata Italiane me 16 vjet heqje lirie si bashkëpunëtor në vrasjen e shtetasit italian.

Gjithashtu bëhet me dije se Ternova thirrej me emrin Luciano e aktiviteti investigativ i autoriteteve italiane zbardhi se ai strehohej në qytezën e Cotronei ku ishte stabilizuar të punonte me dokumente te falsifikuara./abcnews.al

80802993_10218767635653780_394550444728254464_o-1280x720.jpg
R D11:29 | 07/01/2020

Kastriot Reçi, pronar i një TV lokal dhe një bar-kafe është vrarë në atentat paraditen e sotme në qytetin e Rrëshenit.

Ngjarja ka ndodhur rreth orës 11:00 në qender të qytetit të Rrëshenit, bashkia Mirditë. Policia njofton se nga të shtënat ka mbetur i vdekur 47 vjeçari Kastriot Reçi. Ai është dërguar në spital në gjendje të rëndë, por disa minuta më paska ndërruar jetë.

Ngjarja ka ndodhur para lokalit të tij në qender të qytetit me emrin bar kafe-“Mirdita”.

Dy vite më parë Kastriot Recit i vranë vëllain, Gasper Reçi në Romë të Italisë.

https://youtu.be/mgdO7Ex3he0

Njoftimi i policisë

Mirditë/Informacion paraprak

Sot, rreth orës 11:05, në afërsi të një lokali në Rreshen, Mirditë,në rrethana ende të paqarta është vrarë me armë zjarri shtetasi K.R., 47 vjeç

Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.

Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve.
/abcnews.al


Në foto: Gasper dhe Kastriot Reci

qosja.jpg
in a17:30 | 31/12/2019

I ftuar në studion e “ABC News” gazetari, Andi Qosja ka folur për atentatin që iu bë kryetarit të Bashkisë së Lushnjes.

“Nuk ka qënë e papritur, nuk është e kuptueshme përse kreu aktual nuk ka bërë denoncimin në polici. Duke qënë një ish-punonjës në administratë ka arritur të depërtojë qetësisht”, tha Qosja.

Gjithashtu Qosja është shprehur se autori ka hyrë qetësisht duke pritur kur kryetari i bashkisë ka hyrë në ambientetet e bashkisë dhe qetësisht i është drejtuar zyrës së tij. Ai theksoi se duhet të ishte bërë një ndërhyrje për ta ndaluar autorin.

“Sipas raport shërbimit nuk është raportuar asgjë dhe policia nuk është njoftuar nga vet punonjësit e sigurisë, por nga persona të tjerë të cilët janë lënduar. Ka një mosrakordim të informacioneve të dhëna nga personeli i sigurisë nga ngjarja që ka ndodhur në realitet. Gëzim Saraçi ka njohje fëmijërie me kreun aktual të bashkisë së Lushnjes”, tha ndër të tjera Qosja.

Gjithashtu ai theksoi se pista kryesore është shlyerja e borxheve të papaguara.

/abcnews.al

ccc-1.jpg
in a16:10 | 31/12/2019

Atentati në drejtim të kreut të Bashkisë së Lushnjes ishte i mirëmenduar.

Në fillim u raportua si një atentat me armë zjarri por, sipas policisë, në vendngjarje u sekuestruan vetëm mbetje të një granate sulmuese.

Autori i dyshuar Gëzim Saraçi iu drejtua ambienteve të brendshme të bashkisë në orën 08:15 minuta të mëngjesit të së martës. Vetëm pak çaste më herët, kishte mbërritur në zyrë, kreu i Bashkisë Fatos Tushe. Personi i vetëm që ka parë gjithçka ishte sekretarja, Erisa Qalliu që ndodhet nën kujdesin e mjekëve në spitalin e Traumës në Tiranë.

Policia ka kryer kontrollet në dy banesat e Saraçit, por pa rezlultat.

Pista kryesore që po heton grupi hetimor, është ajo e borxheve të pashlyera. Dyshohet se, Gëzim Saraçi ka qenë një nga personat më të ngushtë të kreut të Bashkisë së Lushnjes. Edhe në të kaluarën ndërmjet Saraçit dhe Tushes ka pasur konflikte, por ky i fundit nuk ka bërë denoncim në polici. Burime konfidenciale konfirmojnë se, Saraçi ka qenë një njeri problematik me ligjin në shtetin Italian i hetuar si pjesëtar i një bande kriminale. Vetë kreu i Bashkisë së Lushnjes, ka pohuar për grupin hetimor, njohjen që ka pasur me Saraçin duke shtuar se është implusiv por, nuk e mendonte që ish-punonjësi i tij të arrinte deri në këtë pikë. Pak ditë nga atentati i fundvitit, personi i shpallur në kërkim, ngulmonte të rikthehej si punonjës administrate në Bashkinë e Lushnjes por ka marrë përgjigje negative nga kreu i institucionit.

Për të zbardhur ngjarjen janë sekuestruar pamjet e kamerave të sigurisë si brenda bashkisë ashtu edhe jashtë saj. Ndërkohë u morën në pyetje e më pas u lanë të lirë edhe 10 punonjës të sigurisë së bashkisë si edhe personeli që ishte në turn./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono