Polumbarët e Reneas kanë gjetur dhe kanë nxjerrë nga lumi Erzen trupin e pajetë të 20 vjeçarit Xhorxho Seferi, që u zhduk në 19 maj pasi u rrëzua nga gryka e kanionit, teksa vizitonte shpellën e Pëllumbasit.
Policia bën të ditur se trupi i të riut u gjet dje rreth 1 kilometër larg nga vendi, ku ai ra nga lartësia 2 javë më parë.
Që pas njoftimit për aksidentin e të riut, kërkimet nuk u ndërprenë dhe çdo ditë dy polumbarë të RENEA-s dhe disa punonjës Policie të Farkës kanë krehur shtratin e Lumit Erzen.
Rreth 1 km më poshtë vendit ku dyshohej se ishte mbytur, polumbarët e RENEA-s kishin vendosur një rrjetë pritëse për të penguar marrjen e trupit nga rrjedha e lumit. /abcnews.al
