Konsulenti për çështjet ligjore në Partinë Demokratike deklaron se kryeministri Edi Rama sfidoi sot ambasadoren e SHBA-ve, Yuri Kim.
Përmes një postimi në rrjetet sociale, Gjata shprehet se Rama u shfaq sot në Vlorë me ish-deputetin e prekur nga ligji i dekriminalizimit, Shkëlqim Selami.
Sipas Gjatës, Rama u shfaq me Selamin në Vlorë vetëm dy ditë pasi ambasadorja e SHBA-ve u dërgoi një mesazh të qartë krerëve të partive politike lidhur me pastërtinë e kandidatëve e ardhshëm për deputetë.
“Duke u shfaqur krah Selamit, Rama sfidoi publikisht sot ambasadoren e SHBA, Yuri Kim e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren”, shkruan Gjata mes të tjerash.
Deklarata e plotë nga Çlirim Gjata:
Edi Rama e ka të pamundur të ndahet nga bashkëpunimi me njerëzit e inkriminuar, pavarësisht presionit ndërkombëtar për tu ndarë prej tyre. Shefi i Rilindjes u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesëmarrës në organizata kriminale, Shkelqim Selami.
Duke u shfaqur krah Selamit, Rama sfidoi publikisht sot ambasadoren e SHBA, Yuri Kim e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren.
Një paralajmërim të tillë Ambasada Amerikane e ka bërë edhe më parë, por gjithmonë Edi Rama e ka injoruar, sepse ai e ka të qartë se pa mbështetjen e krimit të organizuar nuk fiton kurrë zgjedhjet. Edi Rama është peng i krimit dhe pa largimin e tij politika nuk mund të çlirohet nga krimi i organizuar dhe korrupsioni.
g.v/abcnews.al
