Edi Rama

shtepiiii.gif
eri Ida08:08 | 29/03/2020

Kryeministri Edi Rama në vijim të reagimeve të tij për situatën e krijuar nga koronavirusi në vendin tonë, bën sërish thirrje për durim.

Shefi i qeverisë përmes një video të postuar në profilin e tij në Facebook, shkruan se jemi në rrugën e duhur dhe se kur të kalojë e gjithë kjo do të ndihemi krenarë.

MIRËMËNGJES😊 kini besim, jemi në rrugën e duhur dhe nesër do jemi krenarë për se si dolëm nga kjo luftë e mallkuar.

MIRËMËNGJES😊kini besim, jemi në rrugën e duhur dhe nesër do jemi krenarë për se si dolëm nga kjo luftë e mallkuar.

Gepostet von Edi Rama am Samstag, 28. März 2020

“MIRËMËNGJES😊

kini besim, jemi në rrugën e duhur dhe nesër do jemi krenarë për se si dolëm nga kjo luftë e mallkuar.”, shkruan Rama./abcnews.al

WhatsApp-Image-2020-03-28-at-21.57.09.jpeg
nev ila21:57 | 28/03/2020

Kryeministri Edi Rama, gjatë mesditës së sotme ka drejtuar një mesazh disa prej qytetarëve që sipas tij “nuk duan të marrin vesh“.

Në tentativë për të qenë më se i qartë me këta qytetarë, dashur pa dashur, bëri edhe një deklaratë ku la të kuptohet se është kundër presidentit të Shteteve të Bashkuara të Amerikës ose të paktën nuk është dakord me mënyrën e menaxhimit të situatës nga Trump, për koronavirusin ne Amerikë.

Gjatë mesazhit të tij Rama thotë se Presidenti i SHBA-ve u kishte thënë qytetarëve se virusi do kalonte shpejt, e sot po përballet me një situatë që spitalet nuk kanë më vende, dhe kjo sipas Ramës ka ndodhur sepse nuk janë marrë masat e duhura.

“Meqë keni qejf shembujt me Amerikën, Presidenti u thoshte deri dje se kjo do iki shpejt, thjesht do iki. E shikoni tani se çfarë u thotë amerikanëve. Ndërkohë që duke pritur që të iki vetë i hap rrugën armikut. Sot kanë kaluar Kinën me infektim dhe s’po kanë më as vend dhe as mjete mbrojtëse për mjekët dhe infermierët në spitalet e Nju Jorkut.

Amerika është Amerikë dhe mbase dhjetëra mijëra të vdekur nuk i ka aq problem sa ne. Po ne që me Amerikën nuk krahasohemi dot në asnjë gjë, si mund t’ja lejojmë vetes të lëshohemi dhe të vëmë në diskutim jetën duke moskuptuar se kjo është një luftë për ekzistencë dhe jo një lojë kukamçefti e politikës së poshtër siç kanë qejf ta quajnë disa nga ju.

Realisht nuk di si të flas me disa prej jush që  nuk duan të marrin vesh, nuk duan të hapin sytë e të shohin realitetin. Me siguri di vetëm një gjë, që po vazhduam kështu do ta kalojmë pa qindra mijëra viktima, dhe do hapim pjesë –pjesë rrugët  e jetës normale, më herët se të tjerët.

Po u lëshuam, po u dorëzuam, me të dalë ku të dalë, ne do bëhemi turpi më i madh i këtij vendi, dhe gazi i planetit”, shprehet ndër të tjera Rama./abcnews.al

patozi-770x470-770x433-1.jpg
nev ila21:23 | 28/03/2020

Koordinatori i “Bindjes Demokratike” Astrit Patozi ka reaguar në lidhje me dërgimin e mjekëve shqiptarë në Itali të cilët do të jenë në vijën e parë në trajtimin e të sëmurëve nga koronavirusi.

Sipas Patozit ky është një gjest i bukur që vlen të përshëndetet pavarësisht e kujt është merita.

Patozi shkruan se duhet që qeveria të ndërpresë tenderat ndryshe i bie që kjo luftë nuk është njëlloj për të gjithë popullin.

Për Patozin ma e parë që duhet marrë nga qeveria është që “të ndërpritet çdo shpenzim i panevojshëm apo që mund të shtyhet në kohë, në mënyrë që Shqipëria të ketë, jo arnime që ndryshojnë përditë, por një buxhet të plotë lufte”.

Postimi i plotë:

“MOS E ZHVLERËSO SAKRIFICËN E HERONJVE TË LUFTËS!

Dërgimi i ekipit të mjekëve dhe infermierëve shqiptarë në Itali ishte një gjest i bukur, që ia vlen të përshëndetet dhe për këtë nuk ka nevojë të jesh patjetër shqiptar. Zihuni gjithë ditën me Tritanin, po të doni, se e kujt është merita, se nuk na prish shumë punë. Ti bërtit sa të mundesh që i dërgoi qeveria dhe i përcolle me dorën tënde 1 metër larg në Rinas, ndërsa ai të këmbëngulë gjithë ditën se ata i çoi atje vetëm ndërgjegja e tyre.
Por ndërpriti ato tenderat e turpshëm, se nuk mund të bëhet dashuri në kohën e kolerës. Ndryshe i bie që kjo luftë nuk qenka njësoj për të gjithë, por vetëm për një pjesë të popullit. Nuk ka asnjë kuptim që në këto ditë të adresohen fonde për rehabilitimin e qendrave të qyteteve, ndërkohë që, nëse armiku na vë përpara, nesër mund të mos na duhen më fare qytetet.
Në rast se shumica e popullit po sillet dhe po jeton realisht si në luftë, nuk mundet që një pjesë e vogël zyrtarësh apo shqiptarësh të zgjedhur të hanë e pinë njësoj si në kohë të Zogut. Masa e parë që ka vlerë në këtë rast është që të ndërpritet çdo shpenzim i panevojshëm apo që mund të shtyhet në kohë, në mënyrë që Shqipëria të ketë, jo arnime që ndryshojnë përditë, por një buxhet të plotë lufte.
Ndryshe, zhvlerësohet çdo sakrificë që po bën një popull i tërë në karantinë dhe hidhen në kosh edhe akte të tilla vetëmohimi dhe soledariteti si ai i ekipit sanitar, i cili mbërriti sot në Romë për t’ju gjendur në krah Italisë mike, që po e vuan më shumë se kushdo tjetër pandeminë botërore të COVID 19″./abcnews.al

edi-rama-mjeket-aeroport.gif
nev ila16:08 | 28/03/2020

Në Rinas kanë mbërritur 10 mjekët dhe 20 infermierët, të cilët do të shkojnë në Itali ku do ndihmojnë kolegët e tyre për të shpëtuar jetët e pacientëve të prekur me COVID-19.

Të gjithë mjekët dukët se janë gati, pasi janë të veshur me veshjen mbrojtëse dhe maska ata do të japin kontributin e tyre për të përballuar situatën me koronavirus në Itali.

Bashkë me ta për t’i përcjellë drejt Italisë është edhe kryeministri Edi Rama, ministrja e Shëndetësisë, Ogerta Manastirliu dhe ministrja e Infrastrukturës, Belinda Balluku.

Gjatë përcjelljes së stafit mjekësor drejt Bergamos kryeministri Rama mbajti një fjalë përpara këtij stafi, ku falënderoi të gjithë për këtë mision, dhe theksoi se Italia mike nuk duhet lënë vetëm, pasi ajo nuk e la vetëm popullin shqiptar të digjej në dhimbje të papërshkrueshme.

“E di që disave këtu në Shqipëri do i duket e çuditshme  që 30 mjekë e infermierë të armatës sonë të vogël  të bluzave të bardha, nisen sot për në vijën e zjarrit në Itali.

E di po ashtu se 30 mjekë e infermierë nuk e përmbysin raportin e forcës vrastare të armikut të padukshëm dhe forcave të bluzave të bardha që po luftojnë me të në vijën e zjarrit matanë detit.

Por di edhe që edhe andej është shtëpia jonë tanimë që kur Italia motrat e vëllezërit italianë na shpëtuan dhe na mikpritën e na adoptuan në shtëpitë e tyre kur Shqipëria digjej nga dhimbje të papërshkrueshme.

Ne po luftojmë me të njëjtin armik dhe njerëzit e mjetet e luftës tonë nuk janë pa kufij, por sot nuk mund ti mbajmë forcat rezervë në pritje, të hyjnë në luftë këtu, teksa në Itali po kurohen në spitale edhe shqiptarë që kanë nevojë për ndihmë.  

Është e vërtetë që të gjithë janë mbyllur në kufijtë e tyre, edhe vende shumë të pasura i kanë kthyer kurrizin të tjerëve, por mbase pikërisht se nuk jemi të pasur  dhe nuk na ka lënë kujtesa akoma, nuk mund t’ja lejojnë vetes të mos i tregojmë Italisë, se shqiptarët dhe Italia nuk e braktisin kurrë mikun në vështirësi.

Kjo është një luftë ku askush nuk fiton dot i vetëm dhe ju anëtarë të këtij misioni kurajoz për jetën po niseni për një luftë që është edhe e jona. Sot ne jemi të gjithë italianë dhe Italia duhet dhe do ta fitojë luftën edhe për ne edhe për gjithë Evropën e botën. Zoti ju bekoftë të gjithëve!, tha Rama”./abcnews.al

 

 

rama-ne-telefon.jpg
in a10:58 | 28/03/2020

Kryeministri Edi Rama përmes një njoftimi në rrjetin social “Facebook” tha se nga e hëna në zonat urbane kush del për pazar pa autorizim shkel ligjin do të ndëshkohet.

Aplikimi bëhet nga e diela dhe zbatimi nis të hënën. “Kur aplikoni me e-albania aprovimi ju vjen menjëherë ndërsa me sms përgjigja vjen pas 24 orësh.

Leje mund të marrë vetëm një person i familjes për nevojat më bazike si ushqimet dhe ilaçet! Kalimi i afatit një orësh nuk do të gjobitet, ai vlen për të analizuar flukset e lëvizjes gjatë fashës orare, sqarohet në videon e publikuar nga kryeministri Rama.

 

“Unë ju kërkoj ndjesë 1000 herë të gjithëve dhe ua bëj hallall sharjet e mallkimet atyre që nuk duan të shohin, nuk duan të dëgjojnë, nuk duan të kuptojnë se kur edhe vendet më të fuqishme të planetit, po numërojnë qindra e qindra të vdekur në ditë.

Ne nuk kemi asnjë rrugë tjetër nga shtrëngimi i masave dhe uniteti kombëtar për të dalë nga kjo luftë pa një mal me mijëra të vdekur në fund!

Të gjitha rregullohen, por jeta nuk na jepet dy herë dhe vuajtjet të gjitha harrohen, po të vdekurit nuk ringjallen më kur na vijnë mendtë! Prandaj me hir ose pahir, të gjithë duhet dhe do bëjmë durim, kjo luftë nuk fitohet ndryshe”, shkruan Rama.

 

Luftetari-Kukesi-Superiore-1.jpg
Vladimir Prenga09:58 | 28/03/2020

Klubet e Superiores kanë trokitur në derën e kryeministrisë. Prej dy ditësh, Liga Profesioniste e Futbollit ka dërguar një letër dhe i drejtohet kryeministrit Edi Rama dhe qeverisë së tij, që të ndihmojnë klubet e Kategorisë Superiore, pasi si çdo biznes po përballet me një situatë të vështirë financiare.

Në letër i referohen shpalljes së gjendjes së fatkeqësisë natyrore, që detyron shtetin të përgjigjet për dëmet financiare nga pasojat që sjellin të gjitha vendimet për ndalimin e përhapjes së Coronavirusit në vendin tonë.

Ndër të tjera përmendet se klubet nuk mund të përfitojnë kështu as të ardhurat nga biletat, reklamat dhe sponsorizimet, ndaj edh po hasin në vështirësi për të paguar futbollistët dhe stafin. Tashmë mbetet të shihet nëse qeveria do ta marrë në konsideratë këtë kërkesë të klubeve të Superiores. /abcnews.al

 

edi-rama-nw-facebook.gif
ger ta20:58 | 27/03/2020

Kryeministri Edi Rama ka sqaruar edhe një herë planin për kthimin e emigrantëve të bllokuar jashtë pas mbylljes së kufijve.

Rama tha se ata që do kthehen janë liste e mbyllur dhe nuk do përfitojnë ata emigrantë që jetojnë jashtë shtetit dhe kërkojnë tani të kthehen në Shqipëri.

“Do kthejmë mbi 1300 emigrantë, nuk do kthehen ata që jetojnë ata në vende të huaja e thonë se duke qenë se qeveria do marr shqiptarët të vijnë e ata se nuk ka shumë të prekur nga korona. Jo nuk do bëjmë këtë gjë ata që do kthehen janë liste e mbyllur dhe janë të gjithë ata që janë bllokuar në javët e fundit. Shumë shpejt ministria e Infrastrukturës do bëj publike detajet. Lasgushi do të sjelllë vetëm ata që janë në lista dhe asnjë tjetër. Se ka nga ata që ne duam të kthehemi në Shqipëri se aty situata nuk është aq keq. Jo nuk ndodh kjo”, u shpreh Rama.

ramaokej-1.jpg
So Nila14:26 | 27/03/2020

Prime Minister Rama in a Facebook post has announced that measures against pedestrians will be tightened from Monday.

Rama writes that citizens will go out of the house to do shopping only with permission.

While just like last week from 1pm until 5am on Monday, everything will be closed, bakeries, pharmacies and all the other activities that have been open during the week at the set times .
“We will soon introduce the application which is very simple and from Monday until the end of the war,” writes the Prime Minister./abcnews.al

ramaokej.jpg
nev ila13:27 | 27/03/2020

Kryeministri Rama përmes një postimi në facebook ka njoftuar se nga dita e hënë do të ashpërsohen masat ndaj këmbësorëve.

Rama shkruan se qytetarët do të dalin nga shtëpia për të bërë pazaret vetëm me leje.

Ndërkohë që ashtu si javën e shkuar nga ora 13:00 deri në orën 5 të mëngjesit të së Hënës, gjithçka do jetë mbyllur, furrat e bukës, farmacitë dhe të gjithë aktivitetet e tjera që gjatë javës kanë qenë hapur në fashat e orareve të caktuara.

Postimi i plotë i Ramës:

“-GATI APLIKACIONI ONLINE OSE ME SMS PËR LEJE-DALJEN E VETËM NJË PERSONI NGA FAMILJA PËR TË BËRË PAZAR!

-NJËSOJ SI JAVËN E SHKUAR, NGA ORA 13.00 NESËR DERI TË HËNËN 05.00 TË GJITHË NË SHTËPI DHE TË GJITHË QEPENAT MBYLLUR!

-NGA E HËNA ASKUSH NUK DEL DOT MË NË PAZAR, PA MARRË LEJEN DIGJITALE ME E-MAIL OSE TELEFON NË EMËR TË FAMILJES.

*pas pak do të bëjmë prezantimin e aplikacionit që është shumë i thjeshtë dhe nga e hëna e deri në mbarim të luftës, do të jetë e vetmja rrugë për të dalë nga shtëpia në Tiranë e në qendrat urbane”, shkruan Kryeministri./abcnews.al

rama-9-1-1280x736.jpg
So Nila13:05 | 27/03/2020

Prime Minister Edi Rama said in a press release that the country is already in a state of emergency. According to him, this situation caused by coronavirus is a “world war”.

“This situation needs no explanation, but patience is a weapon that we all need. All of us are falling apart so that no one is left alone. We worked day and night to prevent coronavirus, ”Rama said.

He further said that the criticisms are shameful.

“The reaction of some citiziens are shameful at such a difficult time when patience, understanding, national unity are needed. We don’t have a magic wand and I’m not seeing any miracles happen.

On Monday, we will start flights to bring our citizens here,stare among others Rama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono