Yuri Kim
eri Ida21:59 | 26/03/2020
Ambasadorja amerikane në Tiranë, Yuri Kim këtë të enjte u ka bërë një thirrje të veçantë qytetarëve amerikanë që ndodhen në Shqioëri që të kthehen mënjeherë në pa u anuluar të gjitha fluturimet.
Përmes në videomesazhi në profilin e saj në rrjetet sociale ajo shprehet se për të gjithë ata që nuk kanë planifikuar të qëndrojnë në Shqipëri për një kohë të gjatë, të kthehen në ShBA pa u mbyllur përfundimisht kufijtë.
Ambassador Kim's Message to U.S. Citizens still in Albania
🇺🇸 | Ambassador Kim has an important message for U.S. citizens in Albania.🇦🇱 | Ambasadorja Kim ka një mesazh të rëndësishëm për qytetarët amerikanë në Shqipëri.
Gepostet von U.S. Embassy-Tirana am Donnerstag, 26. März 2020
“Ndërsa vijojmë luftën kundër koronavirusit, Presidenti Trump dhe Sekretari i Shtetit Pompeo e kanë bërë të qartë se prioriteti kryesor i Ambasadave dhe Konsullatave amerikane në të gjithë botën është të mbrojmë dhe të mbështesim qytetarët tanë. Ne nxisim dhe njëherë që të gjithë qytetarët amerikanë në Shqipëri që të planifikojnë kthimin e menjëhershëm në ShBA përveç rasteve kur keni planifikuar për të qëndruar gjatë. Dua që të kuptoni se duhet të ktheheni tani në ShBA përpara se të mbyllen të gjitha kufijtë dhe mundësia e fluturimeve. Të gjitha kufijtë tokësorë shqiptare tashmë janë mbyllur. Për momentin ka vetëm një fluturim komercial që niset nga Shqipëria në Stamboll nga ku mund të merrni fluturime për në ShBA. Nëse jeni një qytetar amerikan që nuk kërkon të qëndrojë më shumë në Shqipëri ju lutem të kontaktoni menjëherë me Air Albania që të prisni një biletë”, është shprehur Kim./abcnews.a
Sid Orela15:09 | 24/03/2020
Ministrat e Jashtëm të Bashkimin Europian kanë arritur sot marrëveshjen politike për hapjen e bisedimeve të anëtarësimit me Bashkimin Europian të Shqipërisë dhe Maqedonisë së Veriut.
Pas këtij vendimi ka reaguar edhe ambasadorja amerikane në Shqipëri, Yuri Kim. Me anë të një reagimi në llogarinë e saj në Twitter, ambasadorja shkruan se vendimi reflekton punën e madhe të bëra nga qevria dhe shqiptarët.
Postimi:
Vendimi i BE për të hapur negociatat me Shqipërinë reflekton punën e madhe të bërë nga qeveria dhe shqiptarët. Shtetet e Bashkuara të Amerikës do vazhdojnë të mbështesin reformat dhe hapat e tjera të nevojshëm për marrjen e anëtarësimit. Urime dhe suksese!
Kujtojmë këtu se lajmi për çeljen e negociatave është konfirmuar nga Komisioneri për zgjerimin Oliver Varleyi.
Me anë të një postimi në Twitter komisioneri shkruante se është shumë i lumtur për një lajm të tillë dhe se e ardhmja e Ballkanit Perëndimor është në Bashkimin Europian.
“Shumë i lumtur që # vendet anëtare të BE-së sot arritën marrëveshje politike për hapjen e bisedimeve të anëtarësimit me #Albania dhe #North #Macedonia. Unë i uroj me gjithë zemër të dy vendet. Ky gjithashtu është një mesazh i qartë për Ballkanin Perëndimor: E ardhmja juaj është në BE”, shkruan komisioneri për zgjerimin./ abcnews.al/
ger ta13:23 | 17/03/2020
Ambasadorja e SHBA në Tiranë Yuri Kim ka zbuluar se si po i kalon ditët e karantinës. Kim ka vetëm pak kohë që është shpërNgulur në kryeqytet dhe duket se këto ditë izolimi i ka shfrytëzuar për t’u marrë me shtëpinë e saj të re.
Në disa foto të publikuara në rrjetet sociale, Yuri Kim shkruan se largësia ndaj miqve dhe kolegëve ka qenë e vështirë për të dhe se ka vendsour të sistemojë librat.
“Dërgesa ime mbërriti nga SHBA javën e kaluar, kështu që do ta kaloj ditën duke sistemuar libra dhe duke varur piktura në shtëpinë time të re në Tiranë. Ndarja fizike nga miqtë dhe kolegët është e vështirë, por le ta shfrytëzojmë kohën, të ruajmë një frymë pozitive dhe të bëjmë pjesën tonë për të parandaluar përhapjen e COVID-19. Faleminderit të gjithë stafit të kujdesit shëndetësor dhe zbatimit të ligjit për faktin se jeni në vijat e para!”, shkruan Kim.
/abcnews.al
ger ta20:55 | 11/03/2020
Ambasadorja amerikane ka përshëndetur emërimin e tre gjyqtarëve për Gjykatën e Lartë nga Presidenti Ilir Meta. Yuri Kim e ka cilësuar këtë si një hap të rëndësishëm që duhet të vazhdohet edhe më tej.
“Ne e mirëpresim emërimin nga Presidenti Ilir Meta të 3 anëtarëve të rinj në Gjykatën e Lartë, një hap i rëndësishëm dhe pozitiv që duhet të vazhdohet deri në fund. Tani, duhet të mbështesim gjyqtarët në mënyrë që ata të mund të shërbejnë me drejtësi për të gjithë qytetarët e Shqipërisë”, shkruan ambasadorja.
Presidenti Ilir Meta dekretoi sot emërimin e Ervin Pupe, Sokol Sadushaj dhe Ilir Panda si anëtar të Gjykatës së Lartë. Tashmë Gjykata e Lartë bëhet me katër anëtarë bashkë me Ardian Dvoranin.
Në këto kushte Gjykata mund të seleksionojë të gjitha dosjet në pritje, në dhomë këshillimi, dhe të kthejë pas ato që nuk u pranohet rekursi.
Ndërsa ata të cilët dosja iu kualifikohet, duhet të presin plotësimin e plotë të Gjykatës së Lartë për të marrë vendim në themel. /abcnews.al
Sid Orela17:11 | 05/03/2020
Tërmeti i 26 nëntorit veç jetëve që mori shkaktoi dëme të konsiderueshme në banesa.
Të paprekura nuk mbetën as vende të rëndësishme historike dhe turistike si kalaja e Krujës si dhe site historike në Durrës dhe Prezë.
Sa i përket dëmeve të bëra sitet e përmendura më sipër, ambasadorja e SHBA-ve ka konfirmuar me anë të postimi në llogarinë e saj në Twitter kontributin e vendit të saj në procesin e restaurimit.
Zonja Yuri Kim thotë se është takuar me Ministren e Kulturës Elva Margariti për t’i konfirmuar se SHBA-të do të shpenzojnë 800,000 dollar për të riparuar dëmet që shkaktoi tërmeti në Kalanë e Krujës si dhe në sitet historike të Durrësit dhe Prezës.
Në fund të postimit të saj ambasadorja skruan “Ne qëndrojmë gjithmonë me Shqipërinë.” /abcnews.al/
nev ila16:32 | 05/03/2020
Pas takimit të Yuri Kim dhe kryetares së LSI Monika Kryemadhi, zyra e shtypit të LSi ka njoftuar për mediat se takimi ka patur në fokus reformën zgjedhore ku palët politike janë të angazhguara për resalizimin e saj brenda datës 15 mars 2020.
Njoftimi i LSI:
“Duke ju përgjigjur interesimit të mediave për takimin e sotëm të zhvilluar në LSI mes Kryetares së LSI, Monika Kryemadhi dhe Ambasadores se SHBA, Yuri Kim. Takimi zgjati rreth 1 orë e gjysmë, në fokus të saj ishte reforma zgjedhore, ku të dyja palët kanë ndarë angazhimin e përbashkët për realizimin e saj brenda datës 15 mars 2020, si datë e përcaktuar në marrëveshjen e dakordësuar mes opozitës së bashkuar dhe mazhorancës për reformën zgjedhore. Kryemadhi konfirmoi vullnetin e palëkundur të LSI dhe opozitës së bashkuar për ta përmbyllur këtë reformë dhe njëherazi për t’i hapur rrugë zbatimit të saj ashtu sikurse përcaktohet edhe nga Bundestagu Gjerman”, thuhet në njoftimin e LSI./abcnews.al
ger ta12:51 | 04/03/2020
Ambasadorja e SHBA ka marrë pjesë në takimin e sotëm të Komitetit të Rindëtimit për pasojat e tërmetit të 26 nëntorit të vitit të kaluar. Yuri Kim ka theksuar edhe njëherë ndihmën teknike për të monitoruar donacionet do të shpenzohen në mënyrë të duhur.
“SHBA është e lumtur që ka qenë pjesë e konfrenecës së nodnatorëve. Është këqasëi për ne që ju po organizoheni brenda vetit. Për ne si SHBA është hera e parë që ju kemi qendruar pranë në një moment të vëshirë, por nuk është i fundit. Do të ofrojmë ndihmën teknike për tu siguruar që donacionet nga vende të ndryshme, përfshi edhe tonat, do të shpenzohen në mënyrë të duhur në shërbim të qytetarëve shqiptarë”, u shpreh ambasadorja. /abcnews.al
ger ta10:30 | 03/03/2020
Ambasadorja e SHBA në Tiranë, Yuri Kim ka marrë pjesë në konferenca mbi “Sfidat e Prokurorisë së Përgjithshme në Dritën e Reformës në Drejtësi”.
Gjatë fjalës së saj ambasadorja se ky vit do të jetë shumë i rëndësishëm për Shqipërinë në rrugën drejt BE-së.
Ndërkaq, Kim kërkoi që vendi duhet të ecë përpara dhe duhet ti jepet fund korrupsionit, pasi kjo po e ndalon që Shqipëria të jetë magnet për investimet.
“Është një kënaqësi të jem këtu, i vlerësoj shumë komentet. Dua të them se Luigi ka të drejtë, 2020 është një vit i madh për rrugën e Shqipërisë drejt BE-së, jemi të emocionuar dhe është nder për ne që qëndrojmë pranë Shqipërisë. Reforma që po bën Shqipëria janë shumë të rëndësishme, por edhe shumë të vështira dhe në kohë të tilla është nevojë për miqtë që të jenë më prezentë. Reforma në drejtësi ka sjellë ndryshime dhe është koha të fitohet besimi i publikut, duhet të sigurojmë suksesin.
Muajt e kaluar kanë treguar se ka disa individë që kanë qenë gati t’i bashkohen punës në funksion të sistemit të drejtësisë. Jemi mirënjohës për dedikimin dhe kurajon që keni marrë për këto detyra. Zyra e Prokurorisë do të përmend SPAK-un që do të ketë një rol të rëndësishëm për të luftuar krimin dhe korrupsionin.
Shqipëria duhet të ecë përpara në sundimin e ligjit, kjo nuk është zgjedhje, por kërkesë, duhet ti jepet fund korrupsionit, kjo po e ndalon Shqipërinë të jetë magnet për investimet. Në 2019 zyra e prokurorit të përgjithshëm punësoi një numër koordinatorësh, fakti që shumë individë kanë pranuar që të bëhen pjesë e kësaj është vërtetim i reformës në drejtësi.
Kjo do të sjellë ndryshim në Shqipëri. Dua të vendos në dukje edhe rëndësinë e koordinimit, është i rëndësishëm për zbatimin e reformës në drejtësi. Drejtësia duhet të cohet përpara nga kjo skuadër, që është e gatshme për të ndihmuar Shqipërinë për të ecur përpara për të luftuar krimin. Dua tu them dicka, prokurori është shërbëtor i ligjit, fajtori nuk duhet të shpëtojë dhe i pafajshmi nuk duhet të vuajë. Përdorni cdo metodë të ligjshme për të sjellë drejtësi. Duhet të përmbushen nevojat e popullit që i shërbeni, mos i lejoni fajtorët të shpëtojnë”, tha Kim. /abcnews.al
nev ila22:31 | 02/03/2020
Ambasadorja Yuri Kim përmes një njoftimi në rrjetet sociale shkruan se procesi i pranimit të çeljes së negociatave me Shqipërinë do ta bëjë vendin më të fortë.
Kim ka cituar komisionerin për zgjerimin Oliver Varhelyi, i cili tha sot se i qëndron fort në rekomandimet e tij për të hapur negociatat e pranimit me Shqipërinë dhe Maqedoninë e Veriut dhe shpresoj që Shtetet Anëtare të marrin një vendim pozitiv në javët e ardhshme.
“Procesi i pranimit në BE – dhe reformat që kërkon – do ta bëjnë Shqipërinë më të fortë. Shpresojmë që BE të thotë PO për Shqipërinë”, shkruan Kim./abcnews.al
The EU accession process – & the reforms it requires – will make #Albania stronger. We hope the EU says YES to Albania https://t.co/PJl1tRtaFf
— Ambassador Yuri Kim (@USAmbAlbania) March 2, 2020
nev ila21:05 | 02/03/2020
Ambasadorja e SHBA-ve në Tiranë, Yuri Kim, reagoi menjëherë pas tubimit të presidentit të Republikës, duke u shprehur se mbështet manifestimet paqësore, por se ishte surprizuar nga përdorimi i flamurit amerikan në këtë manifestim.
Gazetari Ylli Rakipi, i pyetur nga gazetarja Mirela Milori në Abc News, lidhur me këtë deklaratë, u shpreh se ndoshta ambasadorja ende nuk e ka mësuar se shqiptarët e duan aq shumë flamurin amerikan, sa e mbajnë rregullisht në banesat e tyre.
“Ambasadorja ka pak ditë që ka ardhur dhe nuk e di që ne shqiptarët, përpara flamurit shqiptar, marrin flamurin amerikan, që nga viti 1990. Ambasadorja nuk ka pse të trembet, se ne flamurin amerikan e përdorim shumë, atë të BE-së, jo edhe aq shumë. Këtu pëshembull ka edhe shtëpi që mbajnë flamurin amerikan. Ne e duam Amerikën dhe Amerika duhet të na dojë, që ne të jemi një vend demokratik, dhe jo të dojë vetëm stabilitetin dhe të dashurohet një herë me Sali Berishën dhe më pas me Edi Ramën” tha Rakipi./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
