Një aksident i rëndë mësohet të ketë ndodhur në Shkodër. Një fugon është përmbysur në aksin rrugor Shkodër- Bogë e Malësisë së Madhe.
Sipas gazetarit të “ABC News” Simon Shkreli, në fugonin e aksidentuar, kanë qenë 7 punonjës të firmës nënkontraktuese që kryejnë punimet në aksin Qaf Thore-Theth.
Ata kanë qenë duke u kthyer nga puna, por në afërsi të fshatit Bogë, fugoni që po udhëtonin ka dalë nga rruga duke rënë poshtë rrugës, në një përrua.
Ndërkohë drejt vendit të ngjarjes janë dërguar dy autoambulanca nga Shkodra dhe Malësia e Madhe.
Shkak për këtë aksident dyshohet të jetë shpejtësia e lartë me të cilën lëvizte automjeti, por edhe një defekt i mundshëm teknik.
Fatmirësisht deri tani nuk raportohet për viktima./abcnews.al
