Vllaznia ka përforcuar stafin teknik dhe drejtuesit po punojnë për t’i dhuruar trajnerit Brdaric lojtarë sa më cilësorë, teksa duhet zëvendësuar edhe të larguarit si Alen Sherri, Filip Gligorov, Ndriçim Shtubina, Andreja Efremov, Simeon Hristov, Silvio Junior, Hygor dhe Renato Malota.
Klubi shkodran e ka nisur merkaton me një rinovim shumë të rëndësishëm. Supersport zbulon se drejtuesit kanë zgjatur bashkëpunimin me Ardit Krymin, një prej lojtarëve më të mirë të ekipit. 24-vjeçari ka rinovuar deri në verën e vitit 2022 me kuqeblutë.
Mesfushori shihet si lideri i ri i ekipit dhe do të vazhdojë edhe për dy sezone të kontribuojë për skuadrën e zemrës. Interesimi për të ka qenë i madh, por Vllaznia ka vendosur ta “blindojë” me kontratën e re. /abcnews.al
