Mesfushori i Interit, Christian Eriksen, mund të largohet nga zikaltrit në merkaton e verës. Kapiteni i kombëtares daneze erdhi me shumë bujë në Milano në merkaton e janarit, por doli jashtë pritshmërive.
Sipas raportimit të “Sport Mediaset”, nëse vjen një ofertë e lartë për Eriksen, drejtuesit e Interit janë gati të negociojnë. Nëse në tavolinë janë rreth 60 milionë euro, atëherë interistët janë gati ta lënë të lirë ish-lojtarin e Tottenham.
Eriksen nuk do të jetë i vetmi që do të largohet nga Interi në merkaton e verës. Marcelo Brozovic dhe Milan Skriniar priten të largohen nga zikaltrit. Mesfushori kroat është lidhur shpesh me një kalim tek Liverpool, ndërsa për qëndërmbrojtësin janë në garë dy ekipet e Manchesterit. /abcnews.al