Emri i Donny Van De Beek lidhet prej kohësh me dy klube: Real Madrid dhe Manchester United. Mesfushori i talentuar holandez (9 ndeshje me kombëtaren tulipane), pritet të largohet nga Ajax këtë verë.
23-vjeçari është gati të hedhë hapin e madh në karrierë, teksa e ardhmja e tij quhet Premier League. De Telegraaf raporton se “Los Blancos” janë tërhequr nga gara për shërbimet e lojtarit, duke i siguruar rrugë të lirë United për ta transferuar në “Old Trafford”.
Zinedine Zidane ka vetëm një dëshirë: Paul Pogba. Trajneri i ka kërkuar Florentino Perez t’i sjellë bashkëkombësin e tij në skuadër. Presidenti vazhdon të ushtrojë presion te “Djajtë e Kuq” në lidhje me kampionin e botës, i cili është shprehur gjithmonë se do e mirëpriste kalimin në “Santiago Bernabeu”. /abcnews.al
