ajax

Nouri-Ajax-1.png
Vladimir Prenga11:21 | 31/03/2020

Ajax ka nisur të lëvizë për kontratat, pasi një pjesë të futbollistëve u shtohet edhe një tjetër sezon nga dita e nesërme. Kështu, De Telegraaf në Holandë zbulon se holandezët kanë ndërprerë marrëveshen me Abdelhak Nouri, i cili prej vitit 2017 ndodhej në koma dhe para pak ditës ka pasur lajme të mira nga familaj e tij.

22-vjeçarit i përfundon kontrata me 30 qershor të vitit 2020, por në marrëveshje ka një klauzolë për rinovimin automatik nga 1 prilli, nëse palët nuk bisedojnë. Ajax ka vendosur ta ndërprerë kontratën me Nouri, si dhe me tre lojtarë të tjerë: Klaas-Jan Huntelaar, Ryan Babel dhe Bruno Varela.

Ajax e ka paguar gjatë gjithë kohës Nouri dhe do ta bëjë diçka të tillë deri më 1 korrik. Klubi holandez vijon të bisedojë me familjarët e të riut, për të gjetur një marrëveshje për kompensimin. Gjasat janë që palët të shkojnë në gjyq dhe aty të vendoset sa duhet të paguajë Ajax. /abcnews.al

De-JOng.jpg
Klejdi Kaimi11:32 | 27/03/2020

Klubi i Ajax kaloi një traumë të vërtetë në qershorin e vitit 2017, kur Abdelhak Nouri ra pa ndjenja në fushë. Ai cilësohej si një nga talented më të mëdha të holandezëve, por ajo miqësore ndaj Ëerder Bremenit për pak sa nuk qëlloi fatale për të.

Më vonë u zbulua se i riu kishte probleme serioze, ku dëmtimi në truri ishte shqetësimi kryesor. Pas një viti gjindja e tij filloi të përmiqësohej dhe Nouri dola nga koma, edhe pse gjendja e tij përmiqësohet shumë gradualisht. Një nga historitë që ka prekur shumë njerëz është ajo mes Abdelhak dhe ish-shokut të tij tek Ajaxi, Frenkie de Jong.

“Isha ulur me të dhe më pas në dhomë hyra mamaja e tij”, rikujton De Jong historinë se si ai mori vendimin për t’u larguar nga Ajaxi. “Më pas ajo e pyeti,’Appie, ku duhet të shkojë Frenkie? Tek Barcelona?”. Sapo ajo e tha këtë, ai ngriti vetullën lart. Ishte një moment special për të gjithë ne”, mbyll holandezi. /abcnews.al

 

Abdelhak Nouri dhe Frenkie de Jong
Ajax-e1585261750719.png
Igli Nikolli22:53 | 26/03/2020

Abdelhak Nouri u zgjua nga koma pas gati tre viteve, lajm që ka gëzuar tifozët e Ajax dhe jo vetëm. Talenti me origjinë nga Maroku, i njohur ndryshe si Appie, pësoi një dëmtim në një miqësore të vitit 2017, teksa sot është rikthyer në jetë.

Vëllai i tij tregon gjendjen shëndetësore të ish-mesfushorit të talentuar në një prononcim për De Wereld Draait Door. Shikimi i ndeshjeve e gëzon dhe nuk i mungon buzëqeshja në fytyrë.

Abdelhak është zgjuar, arrin të ushqehet, por nuk lëviz dot nga krevati. Në momentet më të mira komunikon duke lëvizur vetullat. Appie është i ndërgjegjshëm se ku ndodhet. Ka rëndësi të madhe për të qëndrimi pranë familjes.

Vëmë re se i pëlqen kur shohim ndeshje në televizor, ndonjëherë edhe buzëqesh. Ne bëjmë sikur nuk është i sëmurë dhe i flasim shpesh”, deklaron Abderrahim Nouri, vëllai i 22-vjeçarit. /abcnews.al

Nouri-Ajax.png
Igli Nikolli21:18 | 26/03/2020

Në këto kohë të turbullta ku dëgjon vetëm lajmërime vdekjesh prej koronavirusit, të qëllon rrallë të emocionohesh nga diçka pozitive. Abelhak Nouri ishte një talent i jashtëzakonshëm. Tek Ajax kanë nxjerrë shumë të tillë, por mesfushori shtatshkurtër me origjinë nga Maroku ishte unik.

Në sezonin 2016-2017 ishte pjesë e Jong Ajax dhe u shpall lojtari më i mirë i sezonit. Atë sezon kishte ndodhur edhe debutimi me skuadrën e parë, një ëndërr për çdo djalosh nga Amsterdami, madje Nouri shënoi në ndeshjen debutuese me “Harkëtarët”.

Sezonin e ardhshëm u grumbullua me skuadrën e parë. Ajax po zhvillonte një ndeshje miqësore me Werder Bremen në alpet e Austrisë. Është data 8 korrik e vitit 2017. Nouri gjunjëzohet në tokë befas dhe shtrihet në shpinë.

Ai humbet ndjenjat dhe një helikopter e nis në një spital të Insbrukut. Kontrollet zbulojnë një problem në tru dhe më pas vjen lajmi i tmerrshëm: “Nouri nuk mund të zbresë më në fushë”.

Djaloshi del nga koma, njeh familjarët, por pas pak kohësh përfundon sërish në koma. Sot është zgjuar, pas rreth 2.5 viteve. Tani do të vazhdojë jetën në karrige me rrota dhe gjithë tifozët e futbollit janë të lumtur për rikthimin e tij në jetë. /abcnews.al

 

Ajax.jpg
Veronik Istrefaj23:18 | 25/03/2020

Pasime të shkurtra, të shpeshta, pa asnjë vonesë dhe me një saktësi kirurgjikale: Kjo sihte filozofia e legjendarit Johann Cruyff, që e la tek Ajax dhe te Barcelona. Holandezi kishte një vizion të qartë se si duhet të luhet futbolli dhe dy ekipet e tij të zemrës, e kanë vënë në jetë më së miri.

Për Barcelonën, e dimë çfarë futbolli zhvillon, por dhe ekipi i Ajax nuk ka mbetur prapa. Kampionët e Holandës na mrekulluan sezonin e shkuar me futbollin e tyre, por dhe këtë edicion futbollistik kanë bërë një futboll të shkëlqyer, çka e pasqyron dhe video më poshtë.

Një aksion fantastik që konkretizohet me gol nga bomberi Huntelaar. Kjo video, është publikuar nga faqja zyrtare e Ajax nga një kamera që nuk është transmetuar më parë në TV, ku shihen qartë pasimet e sakta dhe driblimet e shkëlqyera. Thjesht fantastike!/abcnews.al

Ziyech-Ajax.jpg
Veronik Istrefaj22:43 | 16/03/2020

Real Madrid po e ndjek prej kohësh dhe në verë, mendohej se do të kishte një ofertë konkrete për mesfushorin e Ajax, Donny van de Beek. Ky i fundit është një ndër lojtarët më të kërkuar në merkato dhe sot, mediat britanike kanë zbuluar se edhe Manchester United është futur në garë.

“Djajtë e Kuq” synojnë me doemos të rikthehen në majat e futbollit europian dhe ëndërrojnë për një mesfushë Fernandes-Pogba-van de Beek. Megjithatë, mesfushori holandez nuk është një lojtar i lirë, pas Ajax i ka vendosur çmimin fillestar prej 40 milion eurosh.

Duke parë dhe rivalitetin e shumtë, me disa skuadra që e duan, vlera e van de Beek mund të arrijë majat. Mbetet për t’u parë se cila skuadër do të arrijë të kartoni i mesfushorit, por planet e Real Madridit duket se janë prishur…/abcnews.al

Ziyech.png
Veronik Istrefaj20:59 | 16/03/2020

Hakim Ziyech, fantazisti maroken, është padiskutim një ndër lojtarët më të mirë në botë në rolin e tij. Mëngjarashi i Ajax do të transferohet te Chelsea gjatë merkatos së verës, me dy klubet që kanë gjetur që tani akordin për kartonin e 26 vjeçarit.

Ziyech ka vuajtur disi në fillimin e karrierës së tij, por që nga mosha 23 vjeç e deri më sot, ka vendosur statistika fantastike. Rritja e tij arriti majat në sezonin 2017/18 dhe që prej tre edicionesh, Ziyech është shndërruar në lojtar kyç për Ajaxin.

Plot 81 ndeshje në kampionatin holandez, 40 gola dhe 31 asiste. Shifra fenomenale këto për një futbollist që nuk është sulmues, por nuk janë vetëm kaq. Ziyech është një lojtar që ka një përqindje të lartë të driblimeve të suksesshme, si dhe është një ndër lojtarët që ka ndërtuar më shumë raste për gol në Europë. Chelsea ka siguruar një yll!/abcnews.al

Chelsea.jpg
Igli Nikolli22:34 | 13/03/2020

Chelsea ka siguruar shërbimet e Hakim Ziyech për sezonin e ardhshëm. “Blutë e Londrës” arritën akordin me Ajax për shumën e 44 milion eurove (40+4 në formë bonusesh) dhe 26-vjeçari maroken do të zbarkojë në “Stamford Bridge” në verë.

Daily Mail raporton se klubi londinez dëshiron të arrijë një tjetër marrëveshje me Ajax. Chelsea pëlqen shumë edhe Andre Onana, portierin e “Harkëtarëve”. Lampard është zhgënjyer nga spanjolli Kepa Arrizabalaga dhe është gati ta zëvendësojë me Onana.

23-vjeçari nga Kameruni është nga pikat më të forta të Ajax dhe ka oferta të shumta nga klube të Premier League. Chelsea ka avantazh faktin që marrëdhëniet me kampionët e Holandës janë shumë të mirë, teksa mund të përdorë edhe Ziyech për të bindur shokun e skuadrës. /abcnews.al

 

Onana dhe Ziyech
Tadic-Dest.png
Veronik Istrefaj22:44 | 07/03/2020

Çmenduri në Holandë. Takimi mes Heerenvend dhe Ajax nuk kaloi pa incidente dhe ishin pikërisht dy shokë skuadre që u konfrontuan me njëri-tjetrin.

Serbi i Ajaxit, Dusan Tadic, u përplas me shokun e skuadrës, Dest, të cilit i kërkoi llogari në fund të takimit. Kapiteni nuk ishte i kënaqur me atë që Dest dha në fushën e lojës dhe shkoi për ta kritikuar.

Ky incident, nuk kaloi pa vëmendjen e kamerave dhe në rrjetet sociale, video po bëhet virale. Ajax fitoi 1-3 në këtë transfertë, me Tadic që shënoi dy nga tre golat./abcnews.al

Ajax.jpg
Vladimir Prenga11:18 | 04/03/2020

Ajax ka zyrtarizuar afrimin e një mesfushori, nga Santos. Giovanni Manson Ribeiro i është bashkuar klubit holandez dhe ka nënshkruar një kontratë që është e vlefshme deri më 30 qershor të vitit 2024. I riu as që kishte debutuar me ekipin e parë të klubit anglez, por holandezët kanë qenë të bindur për ta bërë pjesë të tyre.

Giovanni do të jetë pjesë e moshave të Ajax fillimisht. Ai kishte disa ditë që kishte zbarkuar në Holandë dhe që me 25 shkurt u kërkua nga FIFA të jepte “OK”-in për transferimin e mesfushorit. Gjithsesi Santos dhe Federata Braziliane e Futbollit bllokoi gjithçka.

Tani FIFA ka njoftuar klubin e Ajax që mund ta regjistrojë mesfushorin 18-vjeçar dhe kështu ka ndodhur dhe Giovanni është zyrtarizuar si lojtari më i ri i klubit holandez, që paralajmëron se të tjerë brazilianë do të afrohen në ekip në të ardhmen. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono