Christian Pulisic u transferua verën e kaluar nga Dortmund te Chelsea dhe ka zhvilluar një sezon shumë të mirë në Angli. Amerikani me origjinë kroate, ka shënuar 7 gola në Premier këtë sezon dhe numëron dy asiste për shokët e skuadrës.
Në fitoren 2-1 kundër Manchester City, rezultat që shpalli kampion Liverpool, 21-vjeçari ofensiv shënoi golin e parë të ndeshjes. Aksion i mrekullueshëm i lojtarit të “Los Blancos” dhe eurogol. Trajneri i Chelsea, Frank Lampard thur elozhe për Pulisic dhe beson se ai do të bëhet lojtar i madh.
“Pulisic mund të bëhet një lojtar i madh, në Bundesligë bënte diferencën pavarësisht moshës së re. Kishte pritshmëri të mëdha për të në momentin që erdhi te Chelsea, por nuk duhet të harrojmë faktin që është një lojtar i ri.
I mungon vetëm të bëjë atë kapërcimin e madh, kalimin në një nivel tjetër, për të mbërritur në nivelin e Sterling, Salah dhe Mane. Ka rëndësi të kuptojë se çfarë duhet të bëjë për të mbërritur në ato nivele, por e ka talentin për ta bërë“, deklaron Lampard. /abcnews.al
