Efektivët e policisë kanë arrestuar dy të rinj në orët e para të ditës së sotme, të cilëve iu është gjetur drogë në makinë gjatë një operacioni rutinë në rrugë.
Forcat e rendit kanë parë një makinë të lëvizë nga Tirana për në Elbasan në orën 02:00 të mëngjesit.
Pasi kanë dyshuar për orarin dhe sjelljet e shoferit, policia e ka ndaluar makinën duke ushtruar kontroll, gjatë të cilit është gjetur 30 kilogram lëndë narkotike e tipit kanabis sativa.
Menjëherë është bërë arrestimi i Ildi Dushkut dhe Ylli Spahos. Sipas policisë, Dushku nuk ka precedentë të tjerë penalë, kurse Spaho është dënuar për një plagosje. /abcnews.al
