Leonardo e njeh shumë mirë Milanin dhe lojtarët e skuadrës së Stefano Piolit. Drejtori sportiv i PSG-së, ka luajtur si futbollist, ka drejtuar si trajner dhe ka punuar si drejtor sportiv në Milanello. Dëshira e tij e fundit quhej Ismael Bennacer.
Milani pagoi 16 milion euro në arkat e Empolit verën e kaluar dhe mesfushori algjerian është një nga zbulimet më të bukura të këtij sezoni. Ai numëron 23 ndeshje të zhvilluara dhe i ka bindur të gjithë me performancat e tij.
Braziliani e donte me vete në Francë dhe ofroi 30 milion euro për kartonin e tij. Le 10 Sport raporton se kuqezinjtë e kanë refuzuar ofertën. Klubi italian beson shumë te 22-vjeçari dhe e cilëson si të pashitshëm, ndërsa Leonardo duhet të shohë për një tjetër mesfushor. /abcnews.al
