Loading ...
Zgjedhjet në Serbi dhe qeveria e re nuk ndryshojnë detyrimet që vendi ka për dialogun me Kosovë.
Brukseli thekson se dialogu nuk varet nga liderë të veçantë politikë dhe se të gjitha zotimet e mëparshme mbeten në fuqi.
“Dialogu i lehtësuar nga BE-ja nuk varet nga liderë të veçantë politikë. Të gjitha zotimet ekzistuese mbeten në fuqi, përfshirë ato që burojnë nga Marrëveshja e vitit 2023, njohur si Marrëveshja e Ohrit.”
Sipas Brukselit është ende herët të thuhet nëse ndryshimet politike në Beograd do të ndikojnë në qëndrimin negociues të Serbisë apo në ecurinë e dialogut me Kosovën.
“Presim që Serbia të vazhdojë të angazhohet në mënyrë konstruktive, të respektojë zotimet e saj ekzistuese dhe të kontribuojë në përparimin drejt normalizimit.”
Bashkimi Evropian ka shprehur gjithashtu gatishmërinë për të bashkëpunuar me qeverinë e re, pas zgjedhjeve fituesit u uruan nga Brukseli, ndërsa nuk dihet ende nëse në postin e kryeministrit do të jetë kardiologu ilija Srdanoviç dhe cilët do të jënë emrat e tjera në postet e rëndësishme qeveritare.
Dialogu Kosovë-Serbi ka mbetur pezull prej më shumë se 2 vitesh, pa takime të nivelit të lartë dhe pa avancime të mëtejshme mes palëve.
