Në Elbasan ka një vëmendje të shtuar për ditën e verës, për shkak se në qytet ka mbërritur kabineti qeveritar për të zhvilluar një mbledhje dy ditore.
Policia vendore ka hartuar një plan të rreptë masash për të siguruar qetësinë dhe shmangur incidentet.
Sipas njoftimit zyrtar, 321 forca policore do të jenë të angazhuara edhe nga forcat speciale të Tiranës. Shumë rrugë do të jenë të bllokuara dhe aty nuk do të lejohet lëvizja apo parkimi i mjeteve.
Ndër to janë bulevardi “Aqif Pasha”, nga Stadiumi deri tek 1 Maji. Në zonën prej stadiumit e deri tek “Pallati i Sportit”, nuk do të lejohen parkimet apo qëndrimi i mjeteve.
Mjetet e tonazhit të rëndë nuk do të lejohen të qarkullojnë në rrugën Elbasan – Librazhd./abcnews.al
