Lezha është qyteti i dytë pas Shkodrës që këtë të premte janë konfirmuar rastet më të larta të personave të prekur me Covid 19. Ka shkuar në 11 numri i personave të prekur me koronavirus ku sot janë konfirmuar 5 raste të reja.
Gazetari Gjergj Figuri raporton për Abc News se nga 5 rastet e konfirmuara 4 prej tyre janë të afërm të pacientes së ortopedisë që është zbuluar pak ditë më parë, ndërsa rasti tjetër është një 55 vjeçare që akoma nuk ka asnjë informacion se nga mund ta ketë marrë virusin. Ajo dyshohet se është vatër e re infeksioni.
Ndërkohë që në Mirditë është konfirmuar një rast i ri duke e çuar në 3 numrin e personave me Covid 19, ai është punonjës i bashkisë dhe nuk ka asnjë informacion nga mund ta ketë marrë infeksionin.
Gjithashtu pritet që të dalin analizat e marra familjarëve të tij. /abcnews.al
