Ardhja e 3 mijë tifozëve të Juventusit ka krijuar panik në Francë, sidomos në qytetin e Lyon. Sfida e parë në Champions League luhet nesër në mbrëmje dhe për të qetësuar situatën ka menduar presidenti i Lyon.
Jena-Michel Aulas rrëfen për BFM TV tifozët e skuadrës bardhezi janë të mirëpritur në stadiumin e skuadrës së tij. Sigurisht që pritet një përgjigje e autoriteteve përgjegjëse, por për presidentin, ndër më jetëgjatët në këtë post, nuk duhet shtuar doza e panikut.
“Është e padobishme që, në një moment feste si ndeshja e nesërme, të krijojmë ankthe të tjera për koronavirusin. Nëse shkencëtarët na japin përgjigje të qarta, të gjithë tifozët e Lyon dhe Juventusit mund të vijnë lirisht në stadium dhe pas asnjë lloj vështirësie“, deklaron kreu i klubit francez. /abcnews.al
