tifozetWASHINGTON, DC - APRIL 02: Medical professionals from Children's National Hospital administer a coronavirus test at a drive-thru testing site for children age 22 and under at Trinity University on April 2, 2020 in Washington, DC. Hundreds of children, with referrals from their doctors, have been tested at the site as efforts continue to contain the COVID-19 pandemic. (Photo by Drew Angerer/Getty Images)
Igli Nikolli22:57 | 02/04/2020
Tifozët e Dortmund janë ndër më të zjarrtët në botë. Besnikëria, koreografitë unike dhe pasioni i tyre për skuadrën e zemrës, krijojnë gjithmonë emocione të forta. Së fundmi kanë marrë një nismë të veçantë.
Ndeshjet do të zhvillohen pa tifozë, edhe nëse rinisin dhe sezonin aktual mbaron. Rreth 7 tifozë të verdhezinjve janë frymëzuar nga qëndrimi në karantinë dhe ideja e tyre është spektakolare.
Ka të bëjë me tifozët virtualë, teksa Bundesligës i kanë mbetur edhe 89 ndeshje deri në fund të sezonit. Ideja lidhet me vendosjen e njerëzve prej plastike në stolat bosh të stadiumit. Çdokush mund ta blejë vendin e tij virtual për 2.5 euro me foton e fytyrës reale të tij. Fitimet do të shkojnë në betejën kundër koronavirusit. /abcnews.al
Veronik Istrefaj18:56 | 24/03/2020
Tifo-grupi i Teutës, “Djemtë e Detit” kanë bërë një njoftim që është shpërndarë në faqen zyrtare të klubit. Në këtë njoftim, iu bëhej thirrje të gjithëve që të ndihmojnë komshinjtë e tyre për pazar, në mënyrë që të shmangen daljet masive në qytetin e Durrësit. Më poshtë, dhe njoftimi i plotë:
“Tifo-grupi “Djemtë e Detit”, nga situata tepër e vështire në qytet, për shkak të fashave të orareve të vendosura mbi ndalim-qarkullimin, fton të gjithë anëtarët që kanë mundësi e dëshirë, t’u gjendemi pranë familjeve të pleqve në nevojë.
Çdokush mundet të kontribuojë minimalisht me pazarin e 2 komshinjve të vet në lagjen e vet, në pallatin e vet. Nuk mund të plotësojmë çdo nevojë, nuk bëjmë dot çudira, ama mundemi kaq gjë ta bëjmë, një pazar fare normal në dyqanet e lagjeve përkatëse, për qytetin tonë, për gjyshërit tanë, ata sot kane nevojë për ne. “Djemte e Detit” janë krenari e qytetit. O sot, o kurrë”, shkruhej në njoftimin e Teutës./abcnews.al
Veronik Istrefaj15:57 | 22/03/2020
PARIS SG OFRON 10000 MINUTA FUTBOLL FALAS PER TIFOZET E TIJ, QE JANE NGUJUAR NE SHTEPI NGA VIRUSI
PSG ka vendosur t’u bëjë një dhuratë tifozëve të izoluar nëpër shtëpi nga virusi. Klubi francez ofron 10000 minuta futboll falas, që mund të shihen nëpërmjet internetit.
Futbolli i luajtur për momentin është një kujtim. Tifozët e PSG patën mundësi ta shijonin madje nga afër, kur skuadra e tyre e zemrës luajti në stadiumin e saj ndeshjen e kthimit të turit të dytë të Championsit ndaj Dortmundit, duke fituar 2-0.
Pas kësaj, gjithçka u ndërpre, parisienët janë këshilluar të izolohen në shtëpi, por klubi i tyre ka menduar t’u bëjë një dhuratë. Klubi deklaroi zyrtarisht se do të ndihmojë tifozët e tij të ngujuar për shkak të Koronavirusit dhe ndihma është një paketë ndeshjesh futbolli të skuadrës së zemrës, prej 10000 minutash, që mund të shihen pa pagesë.
Klubi ka krijuar një platformë “PSG TV”, të cilën tifozët mund ta ndjekin nga shtëpia nëpërmjet lidhjes së internetit. Kjo paketë përfshin ndeshje të këtij sezoni, dhe të atij paraardhës, diçka që padyshim ndihmon publikun e interesuar që të “vrasë” sa më mirë kohën, ndërsa mbetet i mbyllur në shtëpi.
Po ashtu, PSG ofron çdo mbrëmje në orën 21:00, që të shikohen “shfaqje” (ëatch party) në Facebook dhe të ndajnë virtualisht “pasionin kuq e blu”. Nuk është gjë e vogël në një periudhë kur edhe një këshillë jepet me para.
Në botën e biznesit, ku siç thotë një filozof, “edhe dashuria, urrejtja, krenaria apo dhembshuria shiten e blihen”, gjesti i PSG për tifozët e vet mund të vlerësohet. Shpresa edhe në Francë është që gjithçka të përfundojë shpejt dhe tifozët të dalin nga shtëpitë e të shkojnë në stadium./abcnews.al
Igli Nikolli21:16 | 20/03/2020
Tifozët e Raja Casablanca janë ndër më të zjarrtë në botë. Atmosfera që krijojnë ultrasit e skuadrës marokene është e jashtëzakonshme. Për momentin nuk ka futboll, ata janë izoluar në shtëpitë e tyre, por nuk e kanë harruar ditëlindjen e skuadrës së zemrës.
Raja feston sot 71-vjetorin e krijimit dhe tifozët e kanë djegur. Ata kanë pritur orën 24:00 mbrëmjën e kaluar dhe kanë nisur një spektakël. Kore dhe shumë piroteknikë, kësaj radhe nga ballkonet dhe dritaret e shtëpive dhe jo nga shkallët e stadiumit. /abcnews.al
Today it’s Raja Casablanca’s 71st birthday! Last night the fans celebrated it while being in quarantine at home, resulting in these scenes!#greenboys pic.twitter.com/vOvdWHOlJh
— The Tifo Daily (@Ultramaniaticos) March 20, 2020
Igli Nikolli15:57 | 15/03/2020
Rrugët janë bosh dhe të gjithë qytetarët po qëndrojnë në shtëpitë e tyre. Jo vetëm në Shqipëri dhe Italia, por edhe në Spanjë e vende të ndryshme të Europës. Me këtë koronavirus nuk mund të tallesh dhe të gjithë po i ruhen infektimit
Nismat interesante nuk mungojnë dhe tifozët e Atletico Madrid, të cilët cilësohen si ndër më të zjarrtit në Spanjë, kanë bërë një propozim në rrjetet sociale. Ata kanë vendosur që të shohin mbrëmjen e kaluar të gjithë bashkë një nga ndeshjet më emocionuese të dekadës së fundit.
Bëhet fjalë për Liverpool-Atletico Madrid, gjysmëfinalja e kthimit të Europa League të vitit 2010. Në Spanjë kishin fituar “Colchoneros” 1-0 dhe në Anfield takimi u mbyll 1-0 për vendasit. Sërish në shtesa si para pak ditëve në Champions League, teksa tek Atletico luanin lojtarë si De Gea, Aguero dhe Forlan.
Liverpool ia del të shënojë golin e dytë, por Diego Forlan vendos heshtjen me golin e shënuar në minutën e 102-të dhe i dhurom Atleticos kualifikimin në finalen e Hamburgut. Spanjollët do të fitonin 2-1 përballë Fulham, duke e fituar për herë të parë në histori këtë trofe. /abcnews.al
Como hay mucho mono de Atleti, nos sumamos a la iniciativa de ver hoy todos a las 20:30 el Liverpool-ATM del 2010 bajo el hashtag #AnfieldRojiblanca. Os dejamos el enlace para descargar el partido https://t.co/3Kspflzf32 o para verlo online https://t.co/cz7DRqtKqK. pic.twitter.com/SyuDHsAHkG
— Frente Atlético (@FA82Oficial) March 14, 2020
Igli Nikolli16:24 | 10/03/2020
Atalanta do të përballet sonte me Valencian në ndeshjen e kthimit të raundit të 1/8 në Champions League. Skuadra bergamaske është një ndër realitetet më të bukura të këtij sezoni në kompeticionin më të rëndësishëm për klube.
Djemtë e Gasperinit e fituan 4-1 ndeshjen e parë dhe janë shumë afër kualifikimit në çerekfinale. Frika prej koronavirusit ka ndikuar që sfida e sotme të luhet pa tifozë dhe tifozët e Atalantës kanë kryer një gjest shumë të bukur.
Me anë të një komunikate, ultrasit e njohur si Curva Nord kanë vendosur që rimbursimet e biletave t’ia kalojnë spitalit të qytetit të tyre. Milani ishte klubi i parë që dhuroi 250 mijë euro për për AREU (Kompania e Urgjencave Rajonale), kompani që merret me emergjencat shëndetësore në rajonin e Lombardisë, ndërsa tani është radha e tifozëve të Atalantës.
“Sonte do të përjetonim një nga mbrëmjet më të bukura të historisë tonë, por emergjenca që është krijuar kalon çdo gjë tjetër në plan të dytë. Gjatë këtyre javëve në qytetin dhe provincën tonë ka heronj që po përballen me këtë situatë, duke punuar me burime të pamjaftueshme dhe turne rraskapitëse për shëndetin e të gjithëve.
Për këtë arsye, ne vendosëm t’i dhurojmë shumën e biletave të sektorit tonë spitalit të Bergamo sonte dhe në ditët e ardhshme do të bëjmë transferimin e 40 mijë eurove“, lexohet në deklaratën e Curva Nord. /abcnews.al
Igli Nikolli19:38 | 09/03/2020
Valencia ka një detyrë të vështirë nesër në mbrëmje. Skuadra spanjolle pret Atalantën në sfidën e kthimit të raundit të 1/8 të Champions League. Dueli i parë u fitua 4-1 nga skuadra bergamaske dhe Valencia ka një detyrë shumë të vështirë për t’u kualifikuar.
Ndeshja në “Mestalla” do të zhvillohet pa praninë e tifozëve, ndërsa Alberto Celades, trajneri i Valencias, tregohet i sinqertë kur vjen fjala për kualifikimin në çerekfinale.
“Po e përgatisim ndeshjen në mënyrën më të mirë të mundshme. Jemi të fortë në shtëpi dhe rezultati i ndeshjes së parë nuk përkon me atë që ndodhi në fushë. Mendoj se kemi nevojë për një mrekulli për t’u kualifikuar“, deklaron trajneri spanjoll.
Ultrasit e Valencias nuk mund të jenë të pranishëm në stadium për shkak të frikës nga koronavirusi, por ata nuk mund të qëndrojnë larg idhujve të tyre. Me anë të një komunikate, grupimi ‘Penyes Valencianistes’ fton të gjithë tifozët që të bashkohen afër stadiumit për të karikuar skuadrën e zemrës.
“I ftojmë tifozët të mbushin sheshin në 19:30 për të mirëpritur autobusët e ekipit. Valencia ka nevojë për të gjithë ne për të shënuar golin e parë. Ne duhet të jemi të bashkuar dhe të prodhojmë një klimë të zjarrtë jashtë stadiumit“. /abcnews.al
Veronik Istrefaj21:35 | 07/03/2020
Tirana luan me Laçin në “Air Albania, një sfidë shumë delikate për kryesuesit e Superiore. Klubi bardheblu ka ftuar të gjithë tifozët të jenë të pranishëm në stadium. Tirana shkroi: “Skuadra ka nevojë për të gjithë ju nesër. Mos mungoni në ditët kur nuk duhet. Të gjithë bashkë të ndjekim ëndrrën!”
Komentet e tifozëve të Tiranës në këtë postim ishin të shumta, me shumicën prej tyre që ironizuan. “5 mijë lekë e bëtë në derbi, 5 mijë me Laçin. Domethënë se ndeshja me Laçin është më e rëndësishme se ndeshja në derbi. Ulni biletat, ne jemi Tirona, s’e lëmë pa tifozë, por të mbushet stadiumi plot. Me ty Tirona!”
“Bëjini 300 lekë biletat edhe ta shihni a ju vijnë apo jo njerëzit në stadium. Na gritë nga lekët!” “500 lekë për Laçin? Vetëm nëse bleni Mbappe vitin tjetër”, ishin disa nga komentet e tifozëve bardheblu./abcnews.al
Igli Nikolli21:35 | 05/03/2020
Maurizio Sarri mori drejtimin e Juventusit verën e kaluar, por nuk ka arritur të bindë tifozët bardhezi. Ish-trajneri i Napolit dhe Chelsea u përzgjodh për të rritur cilësinë e lojës së “Zonjës së Vjetër”, diçka që nuk ka ndodhur ende.
Skuadra është e përfshirë nga kaosi në aspektin e lojës, trajneri nuk po ia del të aplikojë idetë e tij, teksa edhe rezultatet janë më negative se paraardhësi i tij, Max Allegri. Zërat e shkarkimit të tij janë shtuar dhe tifozët nuk besojnë më te Sarrizmi.
Eurobet ka kryer një sondazh dhe vetëm 3.5% janë pro konfirmimit të 61-vjeçarit në pankinë. I preferuari i popullit juventin është Gian Piero Gasperini, i cili po fiton e zbavit tifozët me Atalantën fantastike që ka krijuar.
35% të votave ka marrë trajneri i Djimsitit, duke lënë pas një emër të madh si Pep Guardiola (31%). Më poshtë renditen emra si Zidane (11%), Simone Inzaghi (6.5%), ndërsa rikthimi befasues i Allegrit dëshirohet nga vetëm 2.5% e tifozëve. /abcnews.al
Igli Nikolli17:54 | 05/03/2020
Stadiumet në Gjermani janë gjithmonë plot, atmosfera e ndeshjeve është e shkëlqyer dhe solidarizimi nuk mungon. Ditën e djeshme u luajt dueli për një vend në gjysmëfinalet e DFB Pokal. “Aspirinat” fituan 3-1 ndeshjen e Kupës dhe tani do të tentojnë kualifikimin në finalen e madhe të Berlinit.
Një tifoz u ndje keq gjatë ndeshjes dhe forcat e sigurisë ndërhynë menjëherë. Fytyra e tij u mbulua për t’i ruajtur privatësinë, teksa dy tifozeritë kryen një gjest shumë të bukur. Koret dhe këngët e tyre pushuan, si në krahun e Leverkusen edhe në pjesën ku ishin vendosur tifozët e ardhur nga kryeqyteti.
Ndërhyrja e mjekëve i shpëtoi jetën tifozit dhe gjendja e tij u stabilizua. Pasi mësuan kushtet e qëndrueshme të tij, dy tifozeritë ia nisën edhe njëherë këngëve dhe koreve të tyre, duke mbështetur skuadrat e zemrës. /abcnews.al
Bayer Leverkusen – Union Berlin: Notarzt-Einsatz überschattet Spiel – DIESE Fan-Reaktion bewegt ganz Fußball-Deutschland | Der Westen https://t.co/HVbAHZkrJA
— Bayer 04 Addict (@Bayer04Addict) March 5, 2020
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
09:22 | 03/04/2020
09:12 | 03/04/2020
09:08 | 03/04/2020
