Disa të shtëna me armë janë dëgjuar pak më parë në Korçë. Ngjarja e rëndë ka ndodhur në lagjen nr.8 të qytetit, e njohur ndryshe si zona e Radanecit.
Gazetarja Lediona Xheladinaj raporton për abcnews.al se të shtënat kanë ardhur pas një konflikti banal mes dy grupeve. Pas sherrit, dy vëllezër kanë qëlluar me armë në ajër dhe më pas janë larguar nga vendi i ngjarjes.
Policia bën me dije se dy vëllezërit janë identifikuar si Kristaq dhe Vasion Xoxi.
Policia gjendet në vendin e ngjarjes për të zbuluar shkaqet e ngjarjes së rëndë, ndërsa ka shoqëruar në komisariat personin me të cilin janë konfliktuar dy vëllezërit.
Njoftimi i policisë
Korçë/Informacion paraprak
Më datë 17.02.2020, rreth orës 13:10, në lagjen nr. 8, Korçë, gjatë një konflikti për motive të dobëta ndërmjet dy vëllezërve V.X e K.X me shtetasin E.B, banues në Korçë, dyshohet se njëri prej vëllezërve ka qëlluar në ajër me armë zjarri tip pistolete. Dy vëllezërit kanë hedhur në tokë armën e zjarrit dhe janë larguar me shpejtësi nga vendi i ngjarjes.
Forca të shumta policie janë vënë në ndjekje të dy autorëve të dyshuar të ngjarjes dhe po punojnë për kapjen e tyre. Shtetasi E.B, është shoqëruar në ambientet e Komisariatit për sqarimin e rrethanave të ngjarjes.
Grupi hetimor po punon për zbardhjen e plotë të rrethanave të ngjarjes.
