korce

pensionistet-ne-korce.jpg
ger ta14:09 | 01/04/2020

Nevoja për tu ushqyer bëri që të thyenin të gjitha rregullat qeveritare. Disa të moshuar nga Korça dolën nga shtëpitë që në orët e para të mëngjesit për të tërhequr pensionin po u kthyen me xhepat bosh.

“Në thanë sot do marrin para invalidët, po ne, duam bukë”, thotë një e moshuar.

Nuk kanë mundësi të blejnë mjete mbrojtëse dhe pamjet tregojnë qartë se janë shumë të ekspozuar ndaj virusit të ri. Këta pensionistë nuk kanë marrë asnjë ndihmë as nga bashkia.

Pensionin e kam për të larë borxhe, nuk kemi marrë ndihma dhe skam ctë ha. Dyqanet nuk më japim më ushqime me listë. Qeveria s’ka bërë asgjë për ne”, shprehet një tjetër.

Prej ditësh shpresonin që të takonin gazetarë.

“Kisha shumë kohë që doja të më dilte përpara një gazetar se ju mund të na ndihmoni”.

Si këta pensionistë janë me qindra në të gjithë vendin që presin me padurim datën e pensionit pasi ato i kanë të ulëta dhe nuk ju dalin për të kryer as nevojat më bazike. Ndaj siç kanë thënë shumë prej tyre nuk kanë kohë të presin që institucionet të koordinohen që t’ua dërgojnë në shtëpi. /abcnews.al

 

mjekeee2.gif
eri Ida11:46 | 01/04/2020

Vijon të rritet numri i të prekurve nga virusi COVID 19 në Korçë.

Rasti i fundit është ai i një 70 vjeçari i cili ka rezultuar pozitiv në testin e kryer një ditë më parë, duke e çuar në 16 numrin e personave të prekur me COVID 19 në këtë qytet.

Gazetarja Ledjona Xheladinaj raporton për Abc News se ditën e djeshme janë nisur nga Korça drejt Tiranës gjashtë tampon për tu analizuar në Institutin e Shëndetitu publik dhe vetëm një prej tyre ka rezultuar pozitiv ndaj COVID-19.

Nga ana tjetër burime zyrtare pranë Njësisë vendore të Kujdesit Shëndetsor në Korçë bëjnë me dije se 70 vjeçari i infektuar ka pasur kontakte me dy të moshuarit që rezultuan pozitiv në tre rastet e para në qytetin e Korçës.

Ndërkohë që vijon puna e mjekëve epidemiologë për të gjurmuar kontaktet e afërta të rastit të fundit me qëllim këputjen e zinxhirit të transmetimit.

Ndërkohë deri më tani numri i të infektuarve nga koronavirusi në vendin tonë ka arritur në 259 persona dhe 15 viktima. /abcnews.al

rasteee-1280x654.gif
eri Ida12:22 | 31/03/2020

Në Korçë këtë të martë një tjetër rast i ri është konfirmuar me koronavirus nga ministria e Shëndetsisë.

Deri më tani numri i personave të infektuar në këtë qytet ka shkuar në 15.

Gazetarja Ledjona Xheladinaj raporton për Abc News se deri më tani të gjithë rastet janë zinxhir i rasteve të mëparshme të konfirmuara me koronavirus.

Gazetarja thekson se përmes burimeve jo zyrtare rezulton se rasti i ri është i biri i çiftit të moshuave te konfirmuar pozitiv me koronavirus. /abcnews.al

koceeee.jpg
ger ta11:43 | 30/03/2020

Dy rastet e reja me Covid-19 janë konfirmuar në Korçë. Burime kofidenciale për abcnews.al bëjnë me dije se rastet e reja janë një çift të moshuarish.

70 vjeçarja e infektuar është në Tiranë është nisur dy ditë më parë në. Mësohet se është kryer analiza edhe bashkëshortit i cili me testin e pare ka rezultuar negativ.

Rëndimi i gjendjes shëndetësore bëri ti nënshtrohej një testi të dytë, ku edhe rezultoi pozitiv. Ndërkaq i ështe bërë testi edhe djalit të tyre 45 vjeç dhe pritet përgjigjia.

Burime thonë se çifti i te moshuarve janë fqinj me çiftin e te moshuarve të parë të konfirmuar në Korcë, të cilët  u infektuan nga mbesa e tyre. /abcnews.al

spitali-korces.jpg
nev ila19:36 | 27/03/2020

Korça ka shënuar sot rastin e 12 me koronavirus. Burime për ABC News kanë njoftuar se ajo është një mjeke kardiologe nga ky qytet.

Siç raporton gazetari i ABC News Aldo Kozarja mësohet se ajo është një kardiologe, që i ka shërbyer një prej të infektuarve të parë, zonjës nga Liboniku i Korçës.

Kujtojmë këtu që kjo e fundit së bashku me bashkëshortin e saj u infektua nga mbesa që u kthye nga Italia. Për momentin gjendja shëndetësore e mjekes 52 është e qëndrueshme.  Ajo së bashku me familjarët e saj janë vetëkarantinuar në banesë.

 

Gazatari Aldo Kozarja raportoi për abcneës.al se dyshohet se mjekja ka patur kontakte të shumta me persona të tjerë gjatë kësaj kohe.

Në orët në vijim pritet që të qartësohet edhe fakti se si është infektuar mjekja nga koronavirusi. /abcnews.al

korcaa.jpg
Sid Orela12:33 | 24/03/2020

Situata nuk duket aspak e mirë në Korçë, qyteti juglindor kishte tre reaste të konfirmuara dhe vetëm brenda 24 orëve të fundit janë shtuar edhe 6 raste të reja. Sa i përket rasteve të para, bëhej fjalë për një 33-vjeçar dhe dy të moshuar.

Duke raportuar nga Korça për Abc News, gazetarja Lediona Xheladinaj është shprehur se mes personave të konfirmuar ditën e sotme në qytetin juglindor janë të afërm të dy të moshuarve dhe të menaxherit të lokalit. Xheladinaj thotë, se nga burime jo-zyrtare, është informuar se konkretisht bëhet fjalë për djalin e bashkëshortëve, nusen dhe nipin e tyre.

Djali i të moshuarve punon si doganier në doganën e Tushemishtit. Mesohet se shtetasi me detyrë doganier në Tushemisht kishte shkuar të merrte vajzën në Durrës e mbërritur nga Italia. Kjo e fundit ka infektuar çiftin e të moshuarve ( gjyshin dhe gjyshen). Pas këtij lajmi, është pezulluar puna në doganën e Tushemishtit dhe janë vetë-karantinuar punonjësit.

Sa i përket të infektuarve të tjerë, raportohet se një punonjës e Agjencisë së Kadastrës së Korçës ka rezultaur gjithashtu pozitive për Covid-19. Ajo është e fejuara e 33-vjeçarit, që ishte ndër rastet e para të infektuara në Korçë. Pas marrjes së konfirmimit, 53 persona në Kadastëer janë vetë-karantinuar.

WhatsApp-Image-2020-03-22-at-20.29.47.jpeg
nev ila20:20 | 22/03/2020

Korça i është shtuar hartës së të prekurve me koronavirus. 3 persona janë konfirmuar pozitivë ditën e sotme sipas të dhënave zyrtare nga Ministria e Shëndetësisë.

Bëhet fjalë për një çift, burrë e grua si dhe një 33 vjeçar.

Të tre personat kanë patur temperaturë të lartë dhe janë drejtuar fillimisht në spitalin e Korcës, pas kryerjes së analizës dhe marrjes së rezultatit janë nisur mbrëmjen e së shtunës drejt infektivit në Tiranë.

Por ABC Neës ka mësuar të dhëna të reja për çiftin e infektuar me Covid 19.

Burime për abcnews.al kanë njoftuar se para dy javësh cifti është takuar me mbesën që është kthyer nga Italia. Pas qëndrimit disa ditë në Korçë, mbesa e çiftit është kthyer përsëri në Itali.

Çifti i të infektuarve, ka shfaqur shenjat  e Covid-19 pas largimit të mbesës.

Sipas të dhënave të deritanishme dyshohet se çifti është infektuar nga mbesa e tyre e cila ndodhet në Itali.

Ndërkohë numri i të infektuarve në Shqipëri është rritur me 13 persona gjatë 24 orëve të fundit duke e çuar numrin total të të prekurve ne 89./abcnews.al

koronavirusi-shqiperi-harta.jpg
nev ila19:59 | 22/03/2020

Zgjerohet harta e të prekurve, shenohen 13 raste të reja

Këtë të diel është shënuar numri më i lartë i të prekurve deri me tani të konfirmuar me COVID 19 në vendin tonë.

Të dhënat zyrtare të Ministrisë së Shëndetësisë kanë konfirmuar 13 persona të prekur me koronavirus, duke e çuar numrin total në 89 në të gjithë Shqipërinë.

Nga 13 personat e prekur, 8 qytetarë janë nga Tirana, një rast i ri është konfirmuar në Kavajë, 1 në Durrës dhe 3 qytetarë nga Korça, duke e zgjeruar në këtë mënyrë hartën e deritanishme të qyteteve të prekura nga koronavirusi.

Këto të dhëna të reja i çojnë shifrat totale të të prekurve në 89, nga të cilët 63 gjithsej në Tiranë,  6 në Durrës, Fier 8, Kavaja dhe Korça nga 3 persona, ndërsa Elbasani, Lushnja dhe Rrogozhina vijojnë të jenë me nga dy raste deri më tani.

Drejtoresha e Institutit të Shëndetit Publik, Albana Fico bëri të ditur se tre pacientët e parë kanë lënë spitalin Infektiv por numri i të shtruarave është rritur në 43 persona, nga 37 që ishte një ditë më parë, nga të cilët 4 vijojnë të jenë në terapi intensive.

Ndërkohë, mosha mesatare e totalit të rasteve pozitive është 48 vjeç. Deri në këto momente janë testuar 804 raste të dyshuara./abcnews.al

korce.jpg
in a15:04 | 22/03/2020

Korça i shtohet hartës të të prekurve me koronavirus. 3 persona janë konfirmuar pozitivë. Bëhet fjalë për një cift burrë e grua si dhe një 33 vjeçar. Të tre personat kanë patur temperaturë të lartë dhe janë drejtuar fillimisht në spitalin e Korcës, pas kryerjes së analizës dhe marrjes së rezultatit janë nisur mbrëmjen e së shtunës drejt infektivit në Tiranë.

Nuk ka ende asnjë të dhënë nëse këta persona kanë patur kontakte më të tjerë që mund të kenë patur histori udhëtimi në shtetet fqinje.

Burime të “ABC News” tregojnë se 33 vjeçar edhe pse në moshë të re është në gjendje shumë të rënduar shëndetësore dhe është menaxher i një lokali nate. Atij i është bërë dy herë analiza dhe herën e parë doli negative të dytën pozitive. banorët e zonës ku ndodhet bari që ai punonte thonë se nuk është dizifektuar lagjja dhe se janë shumë të shqetësuar.

“Lajmin e dëgjuam në media, jemi shumë e shqetësuar. Kemi dritaren e kuzhinës në oborrin e tyre. Duhet bërë ndonjë dezinfektim dhe nuk dimë kë të lajmërojmë”, u shpreh një e moshuar.

Ndërsa një tjetër moshuar tha për “ABC News” se nuk kishin pasur kontakt, por janë të frikësuar: “Lokali është mbyllur këtë javë, pas datës 10.  Jemi shumë të frikësuar, por nuk kemi pasur kontakt”, u shpreh ajo.

I riu është person që ka pasur kontakte të shumta edhe për shkak të punës që kryente. Madje në datën 8 mars në ambientet e lokalit ku punonte është organizuar një festë e madhe./abcnews.al

korva.jpg
in a12:02 | 22/03/2020

Edhe qyteti i Korçës është tashmë i prekur nga koronavirusi, duke e zgjeruar hartën e përhapjes së virusit që ka prekur vendin tonë.

Gazetarja Lediona Xheladinaj tha për “ABC News” se nga burime konfidencile mësohet se 33-vjeçari emri të cilit nuk bëhet i ditur, disa ditë më parë ka qenë i shtruar në spital.

“33 vjeçari është menaxher i një lokali nate. Gjithashtu mësohet se ai ka bërë analizën e cila herën e parë rezultoi negative. Gjendja e tij është përkeqësuar dhe nga një analizë e dytë u konfirmua se ishte i prekur nga COVID-19.

Deri tani nuk thuhet se kanë lidhje me njeri-tjetrin, apo të jenë të afërm. Personat e prekur nga koronavirusi janë transportuar me ambulanca të ndryshme në Tiranë.

Bëhet fjalë edhe për dy të moshuar, njëri prej tyre  79 vjeç ndërsa për personin tjetër e cila është një grua nuk bëhet e ditur mosha. Mësohet se gjendja e 33-vjeçarit e tij ka qenë tepër e rënduar.

Bëhet fjalë për një person që ka pasur kontakte të shumta edhe me persona të tjerë. Edhe në datën 8 mars në ambientet e lokalit të tij është organizuar një festë. Tashmë ai ndodhet Spitalin e Infektivit”, raporton gazetarja

Ndërkohë nga Ministria e Shëndetësisë janë raportuar edhe të dhënat e reja për situatën mbi koronavirusin, ku për 24 orë janë shtuar 13 të infektuar. Kështu Shqipëria shkon në 89 raste me koronavirus.

Bëhet e ditur se deri në këto momente janë testuar 804 raste të dyshuara dhe prej tyre janë të konfirmuar pozitivë me COVID-19, 89 raste.

Nga totali i rasteve të konfirmuara, 58% janë meshkuj dhe 42% janë femra. Mosha mesatare e totalit të rasteve pozitive është 48 vjeç. Ndërsa shpërndarja gjeografike e rasteve pozitive, është si vijon:

  • Tiranë 63 qytetarë
    • Durrës 6 qytetarë
    • Lushnje 2 qytetarë
    • Elbasan 2 qytetarë
    • Fier 8 qytetarë
    • Rrogozhinë 2 qytetarë
    • Kavajë 3 qytetarë
    • Korçë 3 qytetarë

Ndërkohë janë shënuar deri tani dy raste humbje jete.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono