Pas shkarkimit të Ernesto Valverdes u përfol shumë emri i Xavit si trajneri i ri i Barcelonës. Eric Abidal fluturoi drejt Katarit për të biseduar nga afër me ish-kapitenin e famshëm, i cili drejton aktualisht ekipin e Al Sadd.
Drejtori sportiv i Barcelonës ka mohuar faktin që t’i ketë ofruar një stolin e ekipit Xavit në një prononcim për Sport. Ai shkon edhe më tej dhe fton 40-vjeçarin t’i tregojë nëse ka marrë ndonjë ofertë nga kampionët e Spanjës.
“Nuk i bëmë asnjë ofertë. Nëse Xavi ka marrë një të tillë, le të na e tregojë, unë s’e kam parë. Në takimet që bëmë me të dëgjuam planin që kishte. Ajo që doli në media ishte më shumë diçka politike se sa sportive. E para nuk më intereson, unë flas vetëm për futboll. Xavi nuk ka shumë eksperiencë si trajner, por dera e Barcelonës është gjithmonë e hapur për të“, thekson drejtuesit francez i Barcelonës. /abcnews.al
