Jurgen Klopp ka një lidhje shumë të veçantë me lojtarët e tij, por për Roberto Firminhon ka një debulesë. Sulmuesi brazilian zhvilloi një ndeshje të madhe në fitoren 4-0 kundër Southampton dhe dhuroi tre asiste.
28-vjeçari ka shënuar 8 gola këtë sezon në kampionat dhe numëron 7 asiste për shokët e skuadrës. Komandanti i “The Reds” ndalet te qendërsulmuesi i ekipit në prononcimin për sajtin zyrtar të kryesuesve të Premier League, aty ku tregon cilësitë më të mira të Firminhos.
“Firminho është unik. Ai është thjesht i jashtëzakonshëm dhe një futbollist shumë inteligjent. Ia doli të qarkullonte topin përballë një skuadre shumë të mbyllur në mbrojtje si Southampton. Di t’i shfrytëzojë shumë mirë aftësitë e shokëve të skuadrës, nuk njoh një tjetër lojtar si Firminho“, thekson Jurgen Klopp. /abcnews.al
