Alarmi në aeroportin Ben Gurion, kontrollohet avioni i “Delta Airlines” pas një kërcënimi të dyshimtë

Një avion i kompanisë ajrore Delta Airlines, i cili mbërriti nga Nju Jorku në aeroportin Ben Gurion të Tel Avivit të martën në mëngjes, iu nënshtrua kontrolleve të sigurisë pas një informacioni anonim për praninë e një pajisjeje të dyshimtë në bord.

Pas uljes së avionit, pasagjerët u evakuuan menjëherë, ndërsa avioni u zhvendos në një zonë të veçuar të aeroportit, ku autoritetet kryen kontrollet e nevojshme.

Sipas Autoritetit të Aeroporteve të Izraelit, inspektimi i plotë i avionit nuk zbuloi asnjë element të pazakontë.

“Avioni u inspektua plotësisht nga personeli i sigurisë së Aeroportit Ben Gurion”, bëri të ditur autoriteti, duke konfirmuar gjithashtu se operacionet në aeroport janë rikthyer në normalitet.

Pavarësisht alarmit fillestar, kontrollet nuk konstatuan ndonjë kërcënim, ndërsa situata në aeroport u normalizua pas përfundimit të procedurave të sigurisë.

🚨 Anonymous Bomb threat reported on Delta flight from New York to Israel.

Passengers were evacuated from a Delta Air Lines aircraft after it landed at Ben Gurion Airport following a reported bomb threat.

Security teams are conducting searches of the aircraft.

🎥 Credit: N12 News , דין פישר

— Iris (@streetwize) October 13, 2026