5 vatra zjarri në Shkodër/ Flakët djegin pyje, situatë e rëndë në Bardhaj-Myselim dhe Tërbun të Pukës

Nga  44 vatra zjarri  që  u raportuan  në 24 orët e fundit sipas ministrisë së Mbrojtjes  14 janë ende aktive dhe 9 po mbahen në monitorim.

Vatrat kryesore janë në  Shkodër,  Tiranë,  Dibër,  Lezhë dhe Berat.

Në Shkodër flakët vijojnë   në  Bardhaj – Myselim   ku   për shuarjen e tyre janë angazhuar   forca nga toka dhe ajri.   71 efektivë po ndihmohen nga 2 helikopeterë të Forces Ajrore.

Aktive janë gjithashtu vatrat në Mnelë të Vogël, Naraç dhe malin e Tërbunit. Ndërsa  zjarri në Bërdicë është nën mbikëqyrje dhe nuk paraqet rrezik për banesat.

Ndërkohë  zjarret vijojnë në malin e Dajtit ku janë angazhuar 82 efektivë dhe një helikopter.

Në Kryezi të Kavajës për shuarjen e flakëve po ndihmon nje  1 avion air tractor. Vatër aktive zjarri ka dhe në Selitë të Malit.

Në Dibër aktive janë vatrat në Vajkal,   Lundre–Madhesh, Qafën e Helmes dhe Cerrujë.

Ndërsa në Lezhe zjarri është aktiv në  Gallatë dhe Kalivaç–Zimaj–Kashnjet.  Flakët nuk paraqesin rrezik për banesat.  Për shuarjen e tyre  anë angazhuar   63 efektivë dhe 2 helikopterë.

Në Berat  vijon të jetë aktive vetëm vatra në Vokopolë pasi ajo në lagjen Kala është shuar.

Në qarqet e tjera, disa vatra janë shuar ose mbahen nën mbikëqyrje, përfshirë ato në Korçë, Elbasan, Vlorë, Durrës, Fier dhe Kukës.