Loading ...
Harta e bashkive të Shqipërisë, ndryshon në pothuajse të gjithë territorin, veç Kukësit dhe Durrësit, që nuk ndryshon.
Socialistët kanë përfunduar me ndryshimet me numrin e bashkive, duke vendosur shkrirjen e 15 prej tyre që janë aktualisht. Harta finale e PS-së numëron 46 bashki, nga 61 që janë.
Qarku i Tiranës preket në vetëm një bashki, duke e bërë Bashkinë e Kavajës më të madhe, me territorin e Rrogozhinës.
Harta e Qarkut Elbasan ndryshon me 3 bashki, nga 7 që janë, territori i saj do të ndahet në 4, me shkrirjen e bashkisë së Cërrikut dhe Belsh me bashkinë më të madhe, asaj të Elbasanit. Prrenjasi, bashkohet me Librazhdin
Edhe qarku Gjirokastër ka ndryshim jo të vogël, nga 7 bashki aktualisht, shkon në 4, me bashkimin e Këlcyrës me Përmetin, Mameliaj me Tepelenën dhe bashkia Libohov shkon me Gjirokastrën.
Në Fier shkrihen dy bashki, Patosi i bashkohet Fierit; shkrihet Divjaka dhe bashkohet me Lushnjën.
Shkodra ndryshon me bashkimin e bashkisë Fushë-Arrës me Pukën.
Ndërsa Vlora me shkrirjen e Selenicës, që i bashkohet bashkisë së vetë Vlorës.
Dy bashkitë e qarku berat, Dimal dhe Poliçan, i bashkohen bashkisë së madhe, asaj të Beratit.
Ikën edhe Bashkia Maliq, dhe i bashkohet Korçës. Shkrihet dhe një bashki e qarkut Dibër. Bashkia Klos, i bashkohet Matit.
Këtë hartë, Partia Socialiste synon ta miratojë në fillim të muajit tetor, ndërsa këto javë me ndryshimet do të njihen bashkitë që preket, duke dhënë dhe opinionet e tyre. Në nisje të sesionit diskutimet do të rinisin edhe një herë, por nuk duket që deri atëherë të lindi një konsensus apo marrëveshje me PD-që, që e ka kundërshtuar këtë.
