Hakim Ziyech me shumë gjasa do të largohet nga Ajaxi në merkaton e janarit, me fantazistin maroken që është nxjerrë në shitje që në merkaton e verës nga klubi holandez. Edhe pse Ajax synon të përfitojë sa më shumë nga shitja e Ziyech, gjithmonë kanë qenë të hapur ndaj ofertave.
Skuadra e Arsenalit është më e interesuara për shërbimet e 26 vjeçarit, i cili shihet si pasuesi ideal i Mesut Ozil, që me shumë gjasa e ka përfunduar aventurën e tij me “Topçinjtë”. Mesfushori turko-gjerman mund të kalojë te Fenerbahce si i huazuar.
Ziyech bëri një sezon të madh edicionin e shkuar futbollistik, sidomos në Champions League, ku me Ajaxin e tij arriti deri në gjysmëfinale. De Jong dhe De Ligt lëvizën në verë, ndërsa Ziyech mbeti në Holandë, por duket se jo për shumë kohë, pasi Arsenali ka përgatitur një ofertë deri në 50 milionë euro për shërbimet e tij./abcnews.al
