Loading ...Një sasi lënde plasëse është vendosur në portën e jashtme të një banese mbrëmjen e kaluar në fshatin Rrilë të Lezhës.
Burime bëjnë me dije se, si pasojë e shpërthimit, nuk raportohet për të lënduar, por vetëm dëme të vogla materiale.
Tom Çungu është pronari i banesës. Prej 20 vitesh, në banesë nuk jetonte njeri.
Shpërthimi ka ndodhur rreth orës 02:30, por policia është njoftuar vetëm në orën 06:40 nga kompania private që ishte kontraktuar për ruajtjen fizike të objektit.
Policia po punon për sqarimin e rrethanave të kësaj ngjarjeje./abcnews.al
