Përfshihet nga flakët banesa në Vlorë, shkak shpërthimi i bombolës së gazit

Në banesën e shtetasit 68 vjeç, në pjesën e ballkonit ka rënë zjarr pasi ka plasur një bombol gazi. Ngjarja ka ndodhur në lagjen “Uji i Ftohtë”, në Vlorë.

Me ndërhyrjen e zjarrfikësve, zjarri u fik. Nga verifikimet e para nuk ka persona të lënduar, vetëm dëme materiale.

Grupi hetimor, nën drejtimin e Prokurorisë, po vijon punën për sqarimin e rrethanave, përcaktimin e shkakut të rënies së zjarrit, si dhe për dokumentimin e plotë të rastit.