Pep Guardiola është rikthyer të flasë për të ardhmen. Trajneri spanjoll ka një kontratë deri në verën e vitit 2021 me Manchester City dhe dëshiron ta respektojë deri në fund.
Më pas mund të vijë rikthimi në Barcelonë, aty ku kaloi pjesën më të madhe të karrierës si futbollist dhe kaloi 4 vite të mrekullueshme si trajneri i ekipit të parë, periudhë kur Barcelona u shndërrua në skuadrën më të fortë në planet.
Guardiola ka zbuluar në një prononcim për The Sun dëshirën e madhe për t’u kthyer në vendlindje
“Po përpiqem të jem një trajner i mirë dhe më duhet të them që gjërat nuk më kanë shkuar keq në këtë dekadë. Është e sigurt që, herët apo vonë, do të kthehem në Barcelonë për të jetuar. Unë presidenti i klubit? Duhet të kesh aftësi të caktuara për ta bërë një rol të tillë. Unë nuk i kam ato, duhet të jesh i përgatitur për atë rol”, thekson Pep Guardiola. /abcnews.al
