Pep Guardiola
Igli Nikolli15:34 | 30/03/2020
Pep Guardiola i ka premtuar besnikëri Manchester Cityt, por konfirmimi i pezullimit nga Champions League mund të ndikojë në largimin e trajnerit spanjoll. Kampionët në fuqi të Anglisë nuk duan të mbeten të papërgatitur dhe kanë piketuar pasuesin e tij.
The Athletic raporton se i preferuari është Patrick Vieira, aktualisht trajner i Nice në Francë. 43-vjeçari luajti gjatë sezonit 2010-2011 me “Cityzens” dhe vlerësohet nga drejtuesit e klubit për aftësitë taktike dhe personalitetin e fortë.
Francezi cilësohet si zëvendësuesi perfekt i Pep Guardiolës, nëse katalanasi vendos të largohet dhe të nisë një tjetër aventurë në karrierën e tij. /abcnews.al
Veronik Istrefaj21:57 | 24/03/2020
Duke pritur të kuptojnë se si do të përfundojë sezoni i futbollit në Itali, shumë skuadra tashmë po mendojnë për vitin e ardhshëm. Një ndër to është dhe Milani. Kuqezinjtë, pas lamtumirës së Boban, duket se po përballen me një tjetër revolucion teknik.
Dhe ndër ndryshimet e tjera, mund të përfshijnë edhe atë që ka të bëjë me trajnerin. Stefano Pioli, i cili mori përsipër detyrën si trajner i Milanit pas shkarkimit të Marco Giampaolo, nuk duket se ka bindur shumë dhe mund të largohet në fund të sezonit.
Dëshira e Milanit, ambicioz për t’u rikthyer në nivele të larta sa më shpejt të jetë e mundur, mban emrin e Pep Guardiolës. Një ardhje e mundshme në Milano e trajnerit aktual të Manchester Cityt, nuk është e pamundur, duke parë dhe zhvillimet te “Cityzens”, me dënimin nga kompeticionet europiane. Edhe kuotat, janë ulur ndjeshëm, me tashmë një koeficient 33.0 që Guardiola të marrë kreun kuqezi./abcnews.al
Igli Nikolli18:36 | 09/03/2020
Manchester United zhvilloi një ndeshje të madhe dhe ia doli të fitonte derbin ndaj City. Martial dhe McTominay ishin autorët e golave të fitores, teksa u ndihmuan edhe nga pasiguritë e portierit Ederson. Skuadra e Solskjaer “anuloi” kualitetin e Cityzens me presing dhe dëshirë të madhe.
“Djajtë e Kuq” vrapuan shumë, luajtën me zemër dhe ia dolën të fitonin derbin e dytë sezonal. Një humbje që nuk prish shumë punë për miqtë, të cilët janë të fokusuar te Champions League. Ndryshon puna për Pep Guardiolën. Disfata në derbin e qytetit vendosi një rekord negativ për trajnerin spanjoll.
Kjo ishte humbja e shtatë për skuadrën e tij këtë sezon dhe nuk kishte ndodhur kurrë më parë në karrierën e tij. Guardiola ka drejtuar më parë Barcelonën dhe Bayern Munchen, teksa City është skuadra e tretë. 49-vjeçari nuk kishte humbur kurrë kaq shumë ndeshje në kampionat dhe rekordi negativ vjen në një sfidë me rëndësi për tifozët e kampionëve në fuqi. /abcnews.al
7 – Manchester City suffered their seventh defeat of the Premier League campaign, making 2019-20 the season in which Pep Guardiola has lost the most league games in his managerial career. Unfamiliar. #MNUMCI pic.twitter.com/Sz8N8deELo
— OptaJoe (@OptaJoe) March 8, 2020
Igli Nikolli21:31 | 06/03/2020
Pep Guardiola dhe Manchester City janë gati për derbin kundër rivalëve të Manchester United. Të dielën zhvillohet beteja e radhës në “Old Trafford” dhe kampionët në fuqi do të tentojnë të “hakmerren” pas humbjes në fazën e parë.
Trajneri spanjoll analizon sfidën ndaj United në konferencën për shtyp dhe sqaron gjendjen e Leroy Sane. Gjermani mungon që në verë, por është drejt rikuperimit. Ndaj “Djajve të Kuq” nuk do të luajë, ndërsa në ndeshjet e radhës do të rikthehet në fushë.
“Ndeshjet derbi janë gjithmonë të veçanta. Këtë sezon po luftojmë për vendin e dytë, jo për titull. Nga ana tjetër, United po tenton të kualifikohet në Champions League dhe i duhet fitorja. Duhet të japim maksimumin tonë: trajneri, lojtarët dhe tifozët.
E dimë vështirësinë e kësaj ndeshje, por kemi zhvilluar ndeshje të mirë në muajin e fundit. Sane? Po përmirësohet, po e merr veten, por nuk është ende në 100%. Kundër United nuk do të luajë, besoj se do ta aktivizojmë disa minuta në ndeshjet pasardhëse“, deklaron Pep Guardiola. /abcnews.al
Igli Nikolli19:50 | 28/02/2020
Pep Guardiola i është rikthyer sërish fitores 1-2 në “Santiago Bernabeu” kundër Real Madrid. Manchester City hodhi një hap të sigurt drejt kualifikimit në çerekfinalet e Champions League.
Elozhet për trajnerin spanjoll të “Cityzens” nuk munguan pas triumfit ndaj djemve të Zidane, por ky i fundit tregohet modest në prononcimin e dhënë për AS.
“Unë perfekt? Gaboheni. Linja mes fitores dhe humbjes është shumë e hollë. Në Champions League e bëjnë diferencën detajet. Nëse Sergio Ramos do të kishte shënuar golin e dytë, do të ishte Zidane perfekt, ndërsa unë do të cilësohesha si katastrofë“, deklaron Pep Guardiola. /abcnews.al
Igli Nikolli08:21 | 28/02/2020
Manchester City arriti një fitore të madhe mbrëmjen e kaluar përballë Real Madrid. Skuadra e Pep Guardiolës triumfoi 1-2 në “Santiago Bernabeu” dhe ka hedhur një hap të rëndësishëm drejt kualifikimit në çerekfinale.
Pep Guardiola është një katalanas puro dhe në kryeqytetin spanjoll nuk ka ndonjë simpati për të. Gjithsesi, askush më shumë se ai nuk ka fituar në stadiumin e Realit. Mbrëmë triumfoi për herë të gjashtë, teksa pesë fitoret e tjera i ka realizuar kur ndodhej në pankinën e Barcelonës.
Me suksesin kundër skuadrës së Zidane, Guardiola ka vendosur një tjetër rekord. Trajneri i “Cityzens” ia ka dalë të bëhet numri një për fitore në ndeshjet me eliminim direkt në Champions League. Plot 28 herë ia ka dalë të fitojë në këtë fazë të kompeticionit më të rëndësishëm për klube, duke parakaluar emra si Carlo Ancelotti, Alex Ferguson dhe Jose Mourinho. /abcnews.al
28 – Pep Guardiola has become the manager with the most wins in Champions League knockout games (28), surpassing Carlo Ancelotti, José Mourinho and Sir Alex Ferguson. Master.#RMAMCI pic.twitter.com/wNOueTQJzy
— OptaJean (@OptaJean) February 26, 2020
Klejdi Kaimi18:32 | 27/02/2020
Trajneri i Manchester Cityt, Pep Guardiola, mësohet se është sulmuar nga një pirat interneti. Personi në fjalë ia ka arritur me sukses të futet në email-in e spanjollit, ku ka zbuluar çdo bisedë të tij. Policia e Manchesterit e ka arrestuar hakerin, i cili më parë ka punuar për “Qytetarët” në vitin 2017.
Programuesi ka deklaruar për policinë se të hakoje Guardiolën ka qenë një nga gjërat më të lehta për të. Ai ka pasur akses në celularin e 49-vjeçarit, ku ka hyrë në adresën e email-it si dhe në listën e tij të kontakteve. Aty pirati ka zbuluar biseda me lojtarë të ndryshëm dhe transferime të cilat ai ka qenë në bisedime.
Ish-punonjësi i Cityt ka zbuluar bisedat e Guardiolës me Matthijs de Ligt dhe Sokratis Papastathopoulos. Gjithashtu në email-in e teknikut gjenden dhe detaje për lojtarë të ndryshëm si për shembull, ato për Vincent Kompany dhe për Joe Hart. Mësohet se personi i arrestuar ka punuar për Manchester Cityn për dy vite dhe më pas marrëdhënia me kompaninë e tij u ndërpre. /abcnews.al
Igli Nikolli18:40 | 26/02/2020
Julian Nagelsmann është një nga trajnerët më të veçantë në botë. Gjermani e nisi këtë profesion shumë herët dhe në moshën 28-vjeçare u ul në stolin e Hoffenheim në Bundesligë. Ai arriti të dërgonte për herë të parë në histori klubin gjerman Champions League. Tani po shkëlqen te Leipzig, si në kampionat edhe në Europë.
Kualifikimi në çerekfinalet e Champions League është afër dhe mjafton që djemtë e tij të mos humbasin sfidën e kthimit përballë Tottenham në shtëpi. 32-vjeçari ndalet te Pep Guardiola në një deklaratë për SportBild. Spanjolli i City është i vetmi të cilit i merr këshilla dhe mendim, teksa tregon se do të ishte interesante ta shihte Guardiolën në pankinën e Hoffenheim dhe veten e tij në stolin e… Manchester City.
“Kam një raport të ngushtë me Guardiolën, është i vetmi trajner të cilit i marr këshilla. Nuk e pyes se çfarë duhet të bëj kundër Bayern Munchen, por i dërgoj disa video të situatave tonë të lojës dhe i tregoj zgjidhjen time. Ai më përgjigjet dhe fillojmë e diskutojmë.
Guardiola bën gjëra të ndryshme nga të tjerët, shumica fokusohen te zgjidhja tradicionale e situatave të ndryshme. Trajneri më i mirë në botë? Është e vështirë të zgjedhësh vetëm një, njësoj si të zgjedhësh lojtarin më të mirë.
Do të ishte shumë interesante të shihja nëse Pep do të kishte pasur te Hoffenheim të njëjtin sukses që pata unë. E njëjta gjë vlen edhe për mua, do të ishte bukur për të parë se çfarë mund të bëja te Manchester City“, përfundon trajneri gjerman. /abcnews.al
Igli Nikolli21:58 | 25/02/2020
Elozhe të ndërsjellta mes Zinedine Zidane dhe Pep Guardiola. Pas francezit të Real Madrid, ishte radha e spanjollit të Manchester City për të dalë në konferencën për shtyp. Trajneri i “Cityzens” tregohet modest, analizon sfidën e nesërme që luhet në “Santiago Bernabeu” dhe konfirmon besnikërinë për kampionët e Anglisë.
“Zidane ka thënë që kam trajneri më i mirë në botë? Nuk është e vërtetë, protagonistët janë vetë lojtarët. Kurrë nuk kam menduar se jam trajneri më i mirë në botë. Jam i përqendruar totalisht te ndeshja me Real Madrid.
LEXO EDHE: Zidane: Guardiola më i miri në botë, më jep gjithmonë sugjerime interesante
Të konkurrosh me ta në aspektin e historisë është e pamundur, kështu që do të provojmë t’i mposhtim në fushë. Champions League është një mundësi e shkëlqyer për ne. Mund të kualifikohemi ose jo, ky është futbolli.
Pezullimi i UEFA-s? Nuk e kemi humbur optimizmin. Edhe nëse konfirmohet përjashtimi ynë për dy sezonet e ardhshme nga kompeticionet europiane, unë do të vazhdoj të qëndroj në stolin e Manchester City“, deklaron Pep Guardiola. /abcnews.al
Klejdi Kaimi20:30 | 25/02/2020
Mesfushori i Real Madrid, Toni Kroos, rikujton kohën e tij në Bundesligë. Gjermani e pranon se ishte shumë pranë rinovimit me Bayernin dhe shkaku kryesor do të ishte Pep Guardiola. Spanjolli që në atë kohë ishte në krye të rekordmenëve gjermanë, e kërkonte me çdo kusht Tonin në ekip. Dyshja do të ri takohet ditën e nesërme, ku madrilenët do të presin Manchester Cityn në “Bernabeu”
“Më pëlqente të luaja për të. Isha shumë pranë firmës me Bayernin, por më pas mendova se nuk do të ishte zgjedhja e duhur. Të rinovoja kontratën vetëm për shkak të trajnerit, i cili do të largohej para se ajo të përfundonte. Nuk kishte kuptim”, rikujton Kroos.
“Perceptimi im për futbollin ndryshoji nën drejtimin e tij. Roli i mesfushorit i nuk ishte si më parë. Nuk do ta harroj kurrë Guardiolën sepse kam mësuar shumë nga ai. Largimi nga Reali? Jo nuk e mendoj, pasi unë dua që ta mbyll karrierën këtu. Jam ende nën kontratë dhe gjërat po shkojnë mirë, besoj se shumë shpejt do të vijë dhe rinovimi”, deklaron gjermani për “The Athletic”. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
