Vllaznia i ka befasuar të gjithë me paraqitjet e deritanishme, ndërkohë që edhe kapiteni Gilman Lika po bën një sezon të mirë në aspektin personal. Mesfushori shkodran është një prej të ftuarve në emisionin “Pressing” në ABC News dhe nuk i kursen kritikat për gjykimin dhe thekson se Vllaznia duhet të ishte në vendin e parë.
“Jemi të kënaqur me renditjen e tanishme, por kemi merituar më shumë. Sigurisht na janë hequr pikë dhe janë të faktuar. Minimumi duhet të kishim 4 pikë më shumë, maksimumi 8 pikë. Kemi tre penallti të padhëna në tre ndeshje kur kanë qenë barazim”.
“E morëm përsipër humbjen me Partizanin, por duke e parë me qetësi dhe një penallti kur ishim 1-1 do e ndryshonte rrjedhën e lojës. Gjithsesi nuk duam të justifikohemi”, tha Lika gjatë emisionit. / abcnews.al
