Sekretari amerikan i Mbrojtjes, Lloyd Austin është shtruar në spital për shkak të komplikimeve nga operacioni, njoftoi Pentagoni të premten.
Lloyd Austin u shtrua në Spitalin Ushtarak Walter Reed pranë Uashingtonit në mbrëmjen e 1 janarit për shkak të komplikimeve pas një operacioni, tha në një deklaratë për shtyp zëdhënësi i Departamentit të Mbrojtjes Pat Ryder, duke mos specifikuar as natyrën e komplikimeve dhe as kohëzgjatjen e shtrimit të tij në spital.
Kjo ishte deklarata e pare zyrtare që u bë nga Washingtoni mbi gjendjen shëndetësore të Sekretarit Amerikan të Mbrotjes, pasi ishin mediat ndërkombëtare ato që raportuan shtrimin në spital të Lloyd Austin.
Patrick Ryder, Sekretari i Shtypit në Pentagonin Amerikan deklaroi se Washingtoni nuk ka dhënë informacione zyrtare mbi këtë çështje për shkak të privatësisë dhe për faktin se gjendja shëndetësore e Austin ishte një ngjarje në zhvillim.
Ryder u shpreh se nuk mund të jepte një date se kur Sekretari Amerikan I Mbrojtjes mund të dilte nga spitali, ndërsa shtoi se është Zëvendës Sekretarja Amerikane e Mbrojtjes Kathleen Hicks që po zëvëndëson Austin.
Me një karrierë 41 vjeçare në ushtri dhe pasi doli në pension si general me 4 yje 4 yje në vitin 2016, Lloyd Austin 70 vjeç është krahu i djathtë i Presidentit Amerikan Joe Biden që mban një rol kyç sa i përket sigurisë kombëtare në Shtetet e Bashkuara.
/abcnews.al
