Kur bëhet fjalë për mbrojtës cilësore në krahun e majtë të fushës, padyshim emri i parë që na vjen në mendje është ai i “bavarezëve” të Bayern Munich, Alphonso Davies, me kanadezin, që deri më tani ka arritur të shkëlqejë me fanellën e “rekordmenëve” gjermanë.
Megjithatë, vetë talenti i mbrojtjes ka shprehur pëlqimin e tij për “galaktikët” e Real Madrid dhe pritet që shumë shpejt “gjigandët” spanjollë të bëjnë një ofertë për 22-vjeçarin, mirëpo “los blancos” nuk janë i vetmi ekip që interesohen për të.
Sipas raportimeve më të fundit të mediave të huaja, “pistoni” kanadez është gjithashtu dhe në “radarët” e “gjigandëve” të Premier League, Manchester City e Chelsea dhe tashmë pritet vetëm ardhja e merkatos së verës së ardhshem për të mësuar përfundimisht destinacionin e ri të kanadezit. /i.m /abcnews.al
