Rreth 30 punonjës të një fasonerie ne Pogradec protestuan te martën pas subjekti ku punonin është mbyllur pa u shlyer pagat dhe detyrimet e tjera. Ata thane se pronaret nuk i njoftuan për shpalljen e falimentit ndërsa kërkuan pagat e prapambetura.
Shkuan në punë si çdo mëngjes por derën e fasonerisë ku punonin prej një viti e gjetën të mbyllur.
Pronari i subjektit shpalli falimentit pa i njoftuar më parë punonjësit dhe pa u shlyer atyre detyrimet.
“E ka mbyllur bravën dhe ka ikur fare”, shprehet një punonjës.
Një tjetër punonjëse shprehet se nuk u ka dhënë askush sqarime.
Të martën rreth 30 punonjës dolën në protestë dhe kërkuan pagat e prapambetura.
“Vij nga fshati Lin, kam tre muaj lekët e transportit pa marrë. Jemi ankuar na dhanë fletat data e rrogës ka kaluar dhe nuk është hedhur”, ka thënë një qytetare.
Ata thane se përveç pagës pronari nuk u ka shlyer sigurimet shoqërore dhe ato shëndetësore.
“Ka pesë muaj që nuk na janë paguar sigurimet” shprehet një tjetër punonjës në këtë fasoneri.
Të kontaktuar nga mediat përfaqësuesit e subjektit pohuan se kanë shpallur falimentin javën e shkuar por në vijim do të shlyejnë të gjitha detyrimet e prapambetura ndaj punonjesve./abcnews.al
