Nile Rodgers, Peter Gabriel, Billie Eilish, Rufus Wainwright i janë bashkuar koalicionit “Artist për Veprim për Parandalimin Armëve” të artistëve të muzikës dhe aktrimit që synon të frymëzojë njerëzit të vullnetarë, të dhurojnë dhe të votojnë për t’i dhënë fund epidemisë së dhunës me armë që pllakos SHBA.
Sipas The Guardian, organizata ka nisur një seri eventesh live, duke përfshirë një koncert nga Bushes dhe të ftuarit e tyre specialë në Irving Plaza të Nju Jorkut më 22 shtator.
E udhëhequr nga muzikanti Mark Burden, djali i të cilit ishte një nga 26 viktimat e vrarë në një të shtëna në shkollën fillore Sandy Hook në 2012, organizata përfshin Pixies, Halestorm, Little Big Town dhe më shumë.
Më 14 dhjetor 2012, një person i armatosur 19-vjeçar hyri në shkollën fillore Sandy Hook në Newtown, Connecticut, SHBA, vrau 20 studentë dhe gjashtë anëtarë të fakultetit dhe më pas kreu vetëvrasje.
“Pas vrasjes së djalit tim Daniel në shkollën fillore Sandy Hook, e lashë karrierën time si kitarist profesionist për t’iu përkushtuar parandalimit të dhunës me armë”, tha Barden, sipas Variety.“Ju lutem bashkohuni me mua dhe qindra artistë të tjerë, muzikantë, aktorë, sportistë për t’i dhënë fund kësaj dhune të pakuptimtë”./abcnews.al
