Në ditën e parë të vitit shkollor maturantët e 40 viteve më parë u takuan tek ndërtesa e cila për shumë vite ishte shkolla veterinare në Shkodër. Sot ajo ndërtesë është e shkatërruar por ajo ishte shkolla e parë e këtij profil në vend.
40 vite më parë ishin maturantë në shkollën e mesme veterinare në Shkodër. Nga lavdija e dikurshme sot i ka mbetur vetëm emri. Godina ka degraduar plotësisht dhe nuk shërben më për asgjë. Nga rrethe të ndryshme u mblodhën të festojnë 40 vjetorin e maturës.
Nostalgjikë dhe të emocionuar për gjendjen e shkollës në të cilën as nuk mund të futen brenda.
Shkolla e Mesme veterinare në Shkodër ishte e para e këtij lloj në vend. Vinin nxënës nga e gjithë Shqipëria.
Mes tyre është edhe ish-drejtori Luigj Stajka i cili ka vite që jeton në Itali.
Funksionoi si e tillë deri para pak vitesh. Shkatërrimi i ndërtesës dhe mungesa e investimeve bëri të mbyllej plotësisht. Bashkë me të u la në harresë dhe historia e saj.
Gazetar: Simon Shkreli
