Kriza politike, zyrtari i DASH Kostelancik të enjten vjen në Tiranë

Pas takimeve të nënkryetares së grupit të CDU/CSU  në Gjermani Katja Leikert, tentativën e rradhës për zgjidhjen e krizës politike në Shqipëri do ta hedhin Shtetet e Bashkuara të Amerikës. Të enjten në Tiranë do të mbërrijë, Drejtori për Europën Qendrore dhe Jugore në Departamentin e Shtetit, David Kostelancik me një axhendë të paracaktuar me aktorët politikë. Partia Demokratike konfirmon se Kostelancik do të zhvillojë një takim të enjten me kryedemokratin Basha, ndërkohë që të tjera takime pritet të zhvillohen edhe me aktorë të tjerë politke. Takimi i Kostelancik nuk do të jetë e vetmja përpjekje ndërkombëtare gjatë shtatorit për të zgjidhur krizën politike në vend. /ABC News Albania 24/7