Lulzim Basha nuk doli nga izolimi për të regjistuar PD në zgjedhje.
Në vend të vetes, ai aktivizoi një dokument arkiv, të firmosur 3 ditë para se të deklaronte dorëheqjen e tij, me 21 mars 2022.
Dokumenti autorizonte nënkryetarin Enkelejd Alibeaj dhe sekretarin e Përgjithshëm, Gazmend Bardhi për vendimarrjet në emër të PD, për zgjedhje. Pikërisht ky dokument iu bashkëngjit kërkesës që u dorëzua në KQZ për regjistrim të PD për zgjedhjet e 14 majit.
Ajo u dorëzua nga përfaqësuesi Ligjor, Endrit Sefa dhe mbante firmën e Enkelejd Alibeajt.
“Veprim i thjeshtë proçedural. Do e vlerësoj KQZ. Praktik e përcaktuar në kod, e ndjekur nga të gjithë partitë politike”
Tashmë vendimmarrja i kalon KQZ.
Fati i PD është në dorë të Ilirjan Celibashit, që do të duhet të vendosë mbi këtë kërkesë që mban firmën e Alibeajt apo të kërkojë firmën e Lulzim Bashës, që figuron në gjykatë, kryetar i Partisë Demokratike. /abcnews.al
