Vladimir Putin është zotuar se do të shkatërrojë sistemet raketore amerikane Patriot që SHBA do të dërgojë në Ukrainë, duke thënë se është “100% i sigurt” se forcat e tij do të shkatërrojnë sistemet prej 6 milionë dollarësh.
Presidenti rus nuk u duk i shqetësuar kur u pyet për sistemin e ri të mbrojtjes ajrore që Shtetet e Bashkuara do t’i dorëzojnë Ukrainës.
“Sigurisht që do t’i shkatërrojmë, 100 për qind, lërini t’i dërgojnë,“ tha Putin.
Putin më pas akuzoi rivalët gjeopolitikë të vendit të tij se synojnë të përçarjnë Rusinë. Ai përdori konceptin e “Rusisë historike” për të argumentuar se ukrainasit dhe rusët janë një popull, duke minuar sovranitetin e Kievit dhe duke justifikuar sulmin prej 10 muajsh të Ukrainës.
“Përça dhe sundo, kjo është ajo që ata gjithmonë janë përpjekur të arrijnë dhe ende përpiqen të bëjnë. Por qëllimi ynë është ndryshe:të bashkojmë popullin rus, “shtoi Putin.
Putin deklaroi gjithashtu se qeveria e tij po vepron “në drejtimin e duhur, duke mbrojtur interesat tona kombëtare, interesat e qytetarëve tanë, popullit tonë.
/abcnews.al
