Atletico Madrid dhe Real Madrid zhvilluan derbin e parë mes tyre për këtë sezon në “Metropolitano, teksa “Los Blancos” ai dolën të fitonin 2-0.
Por ditën e djeshme nuk munguan edhe episode që nuk kishin të bënin me ndeshje. Para sfidës tifozët e Atleticos u bënë protagonist duke dhënë kore raciste ndaj Vinicius, teksa e quajtën një “majmun”.
Por mbështetësit e “Roji Blancos” nuk u mjaftuan me kaq, pasi ata ofenduan edhe portierin e Realit, Thibaut Courtois.
Courtois kaloi tre vjet në huazim te Atletico midis 2011 dhe 2014, duke fituar La Ligën në sezonin e tij të fundit.
Ai iu bashkua Realit nga Chelsea në vitin 2018 dhe ka vazhduar të bëhet një nga portierët më të mirë në botë.
Kjo nuk u ka pëlqyer disa prej tifozëve të Metropolitanos, të cilët ende e urrejnë Courtoisin katër vjet pas transferimit të tij në “Bernabeu”.
Teksa po ngrohej para ndeshjes, një numër i tifozëve të Atletico-s po e ofendonin 30-vjeçarin që dëgjonte çdo fjalë.
Ai hodhi një sy fansave teksa qëndronte në portën e tij. Më pas ai lëshoi një buzëqeshje përpara se t’ia tregonte atyre tatuazhin në kyçin e dorës.
Në tatuazhin e Courtois shkruan ‘TC1’ dhe ka trofeun e Champions League të ngjitur mbi të.
كورتوا يرد على سباب جماهير أتلتيكو مدريد بموجة من الابتسامات ثم إظهار وشم الأبطال في يده ك ورقة أخيرة ?
الحساب الإخباري @Blancos_Global pic.twitter.com/U7YIvTwSiZ
— Blancos show (@ShowBlancos) September 19, 2022
/f.a/abcnews.al
