atletico madrid
Igli Nikolli13:38 | 29/03/2020
Jorge Jesus është një emër i dashur për tifozët e Benficës. Trajneri drejtoi 6 sezone “Shqiponjat e Lisbonës”, teksa sezonin e kaluar riktheu Flamengon te fitimi i Kupës Libertadores.
65-vjeçari është ndalur te Joao Felix, ylli i Atletico Madrid në një prononcim për kanalin e youtube të Zicos, legjendës braziliane. 20-vjeçari ka shënuar 6 gola këtë sezon me “Colchoneros” dhe po mësohet gradualisht me skemat e Diego Simeones.
“Joao është ende një fëmijë, por ka një të ardhme të shkëlqyer përpara. Ai do të jetë një nga yjet e futbollit europian. Portugalia ia del të nxjerrë talente dhe lojtarë premtues me një lehtësi të madhe”, deklaron Jorge Jesus, trajneri i Flamengos. /abcnews.al
Veronik Istrefaj17:41 | 28/03/2020
Tragjedi në Spanjë, ku është ndarë nga jeta një djalosh i Atletico Madrid. Christian Minchola u shua sot dhe lajmi jepet nga klubi spanjoll, që ngushëllon familjarët e sulmuesit, që ishte pjesë e ekipit të 14-vjeçarëve.
Minchola kishte një të ardhme të ndritur përpara, por për fat të keq, rrugëtimi i tij u ndal shumë shpejt. Kapiteni i Atletico Madrid, Koke, nuk mund të rrinte pa ngushëlluar familjen e djaloshit të ndjerë, me spanjollin që shkroi në Twitter:
“Me hidhërim dhe dhimbje të themi lamtumirë Christian Minchola. Jeta është shumë e padrejtë. Krenar që e keni veshur këtë bluzë. Ngushëllime familjen dhe miqtë. Pusho në paqe”./abcnews.al
Rabia y dolor por tener que decir adiós a Christian Minchola. La vida es muy injusta. Orgulloso de que hayas vestido esta camiseta. Mucho ánimo a compañeros, familia y amigos. Descansa en paz. pic.twitter.com/yvvRuWG3bb
— Koke Resurrección (@Koke6) March 28, 2020
Igli Nikolli20:59 | 26/03/2020
Pa ndeshje nuk ka para dhe drejtuesit e klubeve e kanë të qartë këtë. Koronavirusi po shkakton dëme të mëdha dhe futbolli është ndalur. Mungesa e të ardhurave nga sponsorët dhe të drejtat televizive po vënë në rrezik bilancet e kubeve të ndryshme.
Zgjidhja po gjendet te shkurtimi i rrogave të larta të futbollistëve. Barcelona po has probleme për të bindur lojtarët që të bëjnë këtë sakrificë për klubin, teksa ndryshe ndodh tek Atletico Madrid. Presidenti i klubit, Enrique Cerezo qetëson tifozët me deklaratën e dhënë për Marca.
“Para së gjithash dua t’iu siguroj të gjithëve se askush nga lojtarët dhe stafi ynë nuk ka rezultuar pozitiv me koronavirus. Ju siguroj gjithashtu se nuk do të kemi asnjë lloj problemi në lidhje me uljen e pagave”, thekson Cerezo. /abcnews.al
Igli Nikolli16:33 | 26/03/2020
Atletico Morata arriti një akord me Chelsea janarin e vitit 2019 për të marrë në huazim Alvaro Moratën. Sulmuesi spanjoll është përshtatur për mrekulli me skuadrën e Diego Simeones dhe është rikthyer të shënojë përsëri.
Periudha angleze u shoqërua me probleme psikologjikë dhe në Madrid ka gjetur vetveten. Paraqitjet e tij kanë bindur “Cholchoneros” të blejnë përfundimisht kartonin e 27-vjeçarit. AS raporton se Atletico ka vendosur të shfrytëzojë klauzolën e blerjes së Moratës për shumën e 55 milion eurove.
Sulmuesi ka shënuar 15 gola këtë sezon dhe është ndër të preferuarit e trajneri Simeone. Morata do të firmosë një kontratë 3-vjeçare në verë dhe do të vazhdojë të jetë pjesë e klubit spanjoll. /abcnews.al
Igli Nikolli18:17 | 20/03/2020
Rrjetet sociale janë një nga mënyrat më të mira për të shtyrë kohën në këtë periudhë karatinimi. Njerëzit bisedojnë e zbaviten me njëri-tjetrin, lexojnë, informohen dhe “vrasin” kohën në kushtet e izolimit në shtëpi.
Por ka edhe nga ata që mendojnë ndryshe dhe kanë vendosur të mbyllin adresat në rrjetet sociale. Alvaro Morata është një prej lojtarëve kyç të Atletico Madrid. Sulmuesi spanjoll është shumë i ndjekur dhe ka rreth 11 milion fansa në rrjetet sociale.
Pasi bëri postimin e fundit ditën e djeshme, aty ku uroi gjithë baballarët për ditën e tyre, Morata ka marrë një vendim. “Për një periudhë të pacaktuar kohe do të largohem nga rrjetet sociale. Shpresoj të jeni mirë gjatë kësaj periudhe, përqafime“. Akoma nuk dihet shkaku i vërtetë i këtij veprimi dhe tifozët shpresojnë që goleadori të ndërrojë mendje sa më shpejt. /abcnews.al
Vladimir Prenga08:38 | 20/03/2020
“Nuk e kuptoj pse Atletico këtë lloj futbolli me kualitetin që kanë. Ata mund të luajnë futbollin e duhur. E kuptoj që jam një humbës i keq, veçanërisht kur djemtë përpiqen kundër lojtarëve të klasit botëror që mbrojnë me dy rreshta me nga katër lojtarë. Ata as kundërsulme nuk kishin. Gjithsesi jam shumë krenar për djemtë”, tha Jurgen Klopp, pas ndeshjes që Liverpool humbi me Atletico Madrid dhe u eliminua nga Champions League.
Diskutimet ishin të shumta ato ditë dhe vijojnë, teksa pikëpamjen e tij për mënyrën e lojës e ka dhënë edhe mbrojtësi Kieran Trippier, i cili ka theksuar se nuk mund të haheshin dhëmbë për dhëmbë me “The Reds”, ndryshe do pësonin 6 gola. “Njerëzit kanë këtë perceptimin që ne jemi një ekip mbrojtës, por ata po merren më së shumti me mënyrën se si luajtëm kundër Liverpool.
Nëse shkon kundër tyre dhe synon të luash si i barabartë, atëherë ata mund të të mposhtin 6-0. Nuk e di çfarë njerëzit presin. Ju i shikoni disa ekspertë që ankohen për shkak se ne bëmë lojë mbrojtëse, por a e prisnin ata që ne të shkonim të luanim futboll sulmues, veçanërisht ndaj Liverpooli që po luan me mënyrën aktuale?
Ju duhet të shkoni atje me një plan dhe ne e bëmë këtë gjë. Duhet të mbroheshim, por gjëja më e rëndësishme ishte që të fitonim. Njerëzit mund të ankohen sa të duan, por ne menduam se ishte e nevojshme të bënim atë lloj loje. Liverpool pati shanset e veta dhe nuk i shfrytëzoi. I mundëm në të dyja ndeshje dhe strategjia funksionoi”, ka deklaruar Trippier. /abcnews.al
Vladimir Prenga08:45 | 19/03/2020
Dyshime për të ardhmen e Saul Niguez. Atletico Madrid, që në verë po mundohet ta bindë të nënshkruajë një kontratë të re, edhe pse aktualja i përfundon në vitin 2026. Problemi është klauzola e mesfushorit qendror, që mund të paguhet nga klubet e mëdha.
Saul mund të largohet nga spanjollët për 150 milion euro dhe tashmë Atletico Madrid kërkon t’ia përmirësojë kontratën në aspektin financiar. Largimi i disa lojtarëve, si Godin, Juanfran dhe Griezmann, ka bërë që zëri i shpenzimeve për paga të jetë më i ulët.
Kështu është krijuar mundësia që për Saul të ketë rritje page, që deri më tani nuk e ka pranuar. Ai është një nga më të mirët në rolin e tij dhe shpesh herë emri i tij është lidhur me klube si City e United. Kompania që e menaxhon, Stellar Group është e njohur dhe ka lidhje të forta me klubet e Premier League, ndaj në verë mund të ketë zhvillime. /abcnews.al
Igli Nikolli20:17 | 17/03/2020
Kevin Trippier u largua verën e kaluar nga Tottenham pas katër sezoneve në Londrën veriore dhe po provon për herë të parë një aventurë jashtë Anglisë. Mbrojtësi i djathtë është pjesë e Atletico Madrid dhe deri tani është aktivizuar në 26 ndeshje.
Në një prononcim për Burnley Express, 29-vjeçari zbulon dëshirën e tij të madhe. Trippier ka një kontratë deri në verën e vitit 2022 me “Colchoneros”, por karrierën do të mbyllë në Angli, me skuadrën e Burnley, aty ku është aktivizuar më parë gjatë viteve 2011-2015.
“Kam një raport shumë të mirë me Dyche (trajneri i Burnley prej vitit 2012). I ruaj akoma kontaktet me të, bisedojmë shpesh së bashku rreth futbollit dhe familjeve tona. Nëse do më krijohet mundësia, patjetër që do të kthehesha te Burnley. Kjo është skuadra e vetme për të cilën do të rikthehesha në Angli”, deklaron Trippier. /abcnews.al
Veronik Istrefaj22:21 | 16/03/2020
Nuk janë më as Manuel Neuer, as David De Gea. Portieri më i mirë në botë për momentin është padiskutim Jan Oblak, edhe pse ka konkurrencë të fortë nga Alisson Becker dhe Marc Ter-Stegen. Gardiani i Atletico Madrid është një mur i pakalueshëm dhe në dy sfidat përballë Liverpool, në Champions League, të gjitha aftësitë e tij u vunë në dukje.
Oblak që kur i është bashkuar Atletico Madridit, ka bërë ndeshje të shkëlqyera, duke mbajtur shpeshherë rrjetën e paprekur dhe duke bërë një numër shumë të madh pritjesh. Numrat flasin vetë dhe statistikat e Oblak, janë mbresëlënëse.
Gardiani i “Colchoneros” ka luajtur 180 ndeshje me fanellen bardhëkuqe, ku ka pësuar vetëm 115 gola. Oblak është vënë në ndjekje të ndeshjes numër 100 ku mban rrjetën e paprekur, pasi deri tani, ka 99 të tilla. Fantastik!/abcnews.al
Igli Nikolli15:57 | 15/03/2020
Rrugët janë bosh dhe të gjithë qytetarët po qëndrojnë në shtëpitë e tyre. Jo vetëm në Shqipëri dhe Italia, por edhe në Spanjë e vende të ndryshme të Europës. Me këtë koronavirus nuk mund të tallesh dhe të gjithë po i ruhen infektimit
Nismat interesante nuk mungojnë dhe tifozët e Atletico Madrid, të cilët cilësohen si ndër më të zjarrtit në Spanjë, kanë bërë një propozim në rrjetet sociale. Ata kanë vendosur që të shohin mbrëmjen e kaluar të gjithë bashkë një nga ndeshjet më emocionuese të dekadës së fundit.
Bëhet fjalë për Liverpool-Atletico Madrid, gjysmëfinalja e kthimit të Europa League të vitit 2010. Në Spanjë kishin fituar “Colchoneros” 1-0 dhe në Anfield takimi u mbyll 1-0 për vendasit. Sërish në shtesa si para pak ditëve në Champions League, teksa tek Atletico luanin lojtarë si De Gea, Aguero dhe Forlan.
Liverpool ia del të shënojë golin e dytë, por Diego Forlan vendos heshtjen me golin e shënuar në minutën e 102-të dhe i dhurom Atleticos kualifikimin në finalen e Hamburgut. Spanjollët do të fitonin 2-1 përballë Fulham, duke e fituar për herë të parë në histori këtë trofe. /abcnews.al
Como hay mucho mono de Atleti, nos sumamos a la iniciativa de ver hoy todos a las 20:30 el Liverpool-ATM del 2010 bajo el hashtag #AnfieldRojiblanca. Os dejamos el enlace para descargar el partido https://t.co/3Kspflzf32 o para verlo online https://t.co/cz7DRqtKqK. pic.twitter.com/SyuDHsAHkG
— Frente Atlético (@FA82Oficial) March 14, 2020
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
21:37 | 01/04/2020
