Një aksident i rëndë ka ndodhur në zonën Galipsos të Kavala-s në Greqi. Mediat në vend raportojnë se për pasojë tre persona kanë humbur jetën. Një makinë doli nga rruga duke marrë përpara një automjet tjetër dhe një këmbësor.
Më konkretisht, duket se drejtuesi i një automjeti ka humbur kontrollin dhe është përplasur me një tjetër që kishte ndaluar në anë të rrugës. Më pas, dy makinat ranë mbi një kamion që po furnizonte një dyqan.
Përplasja ka qenë aq e rëndë sa drejtuesi i makinës së parë, një pasagjer dhe një këmbësor kanë mbetur të vdekur në vend. Pas përplasjes automjeti ka marrë flakë. Në vendngjarje janë thirrur forcat zjarrfikëse dhe policia. /abcnews.al/