Kati i tretë i një pallati në lagjen “29 nëntori” në Fier është përfshirë nga flakët pasditen e sotme.
Sipas banorëve, kati i tretë i këtij pallati aktualisht është i pabanuar. Abc mëson se më parë ambienti ka funksionuar si zyrë e PD-së.
Zjarri i përmasave të konsiderueshme ka trembur banorët e lagjes të cilët kanë dalë nga banesat e tyre.
Në vendin e ngjarjes kanë shkuar forcat zjarrfikëse, të cilët kanë vënë nën kontroll flakët.
Nuk dihen ende dëmet e shkaktuara nga zjarri.
Burime për Abc.news.al bëjnë me dije se hapësirat ku ka rënë zjarri janë të mbushura me letra.
Dyshohet se janë dokumentacion i aktivitetit të mëparshëm të institucionit të shpërngulur në këto ambiente.
Sipas banorëve, zjarri është i qëllimshëm.
“Patjetër, nuk ka shans. Ka një orë që kanë ardhur dhe nuk e fikin”, thotë një qytetar.
Sipas burimeve në vendngjarje, mësohet se në ambientet ku ka rënë zjarri rezulton të jenë shkëputur lidhjet e energjisë elektrike, ndërkohë që dera hyrëse e katit të tretë ka qenë e mbyllur./abcnews.al/
