Një nënë 29-vjeçare dhe partneri i saj polak 33-vjeçar të arrestuar pak ditë më parë për vrasjen makabre të djalit të saj 7-vjeçar Andrea kanë dalë ditën e sotme para trupit gjykues.
Dy të pandehurit janë dërguar në gjykatë nën masa të forta sigurie. Sipas mediave greke 33-vjeçari pritet të rrëfejë krimin e rëndë para gjykatës duke qenë se e ka pranuar më herët autorësinë.
Ngjarja e rëndë ndodhi në Kypseli në vitin 2017 çifti vranë fëmijën 7-vjeçar dhe më pas e fshehën trupi në një kuti ku mbanin veglat e punës në verandën e banesës së tyre.
Sipas informacioneve nga burime policore, 33-vjeçari i huaj, në prani të nënës së fëmijës, në janar të 2017-ës, i ka zënë me shirit izolues gojën djalit 7-vjeçar, pasi siç ka rrëfyer ai nuk i bindej.
Më pas çifti kanë bërë një “varr” me tulla në çati, ku e kanë varrosur djalin fatkeq. Më pas, kur pronari i banesës ka dëbuar çiftin, polaku i ka futur eshtrat e fëmijës në një kuti mjetesh dhe bashkë me të ka bredhur në rrugët e Athinës.
Disa vite më vonë ai është divorcuar nga nëna e djalit. Kjo e fundit pretendoi se babai biologjik i fëmijës e kishte marrë me vete në vendin e tij dhe më pas ishte zhdukur.
Ai ka marrë me qira një apartament tjetër në rrugën Astypaleas, po në Kypseli, ndërsa eshtrat e djalit i ka vendosur në dy çanta të zeza në kutinë e veglave, të cilat më pas i ka fshehur brenda një divani.
/abcnews.al
